قازاقستان رەسپۋبليكاسىنىڭ 25، سبەربانكتىڭ 175 جانە سبەربانكتىڭ قازاقستانداعى 10 جىلدىعىنا وراي ءا.قاستەيەۆ اتىنداعى مۇراجايعا كىرۋ تەگىن بولاتىن بولدى. 12 قاراشادان باستاپ 30 قاراشاعا دەيىن كەز كەلگەن تىلەك ءبىلدىرۋشى قازاقستان رەسپۋبليكاسىنىڭ مەملەكەتتىك ءابىلحان قاستەيەۆ اتىنداعى ونەر مۇراجايىنداعى قازاقستاننىڭ، ەۋروپا جانە ازيا ەلدەرىنىڭ ونەر تۋىندىلارىمەن تانىسا الادى، - دەپ حابارلايدى Qamshy.kz.

 اكسيا كەزىندە مۇراجايعا كەلۋشىلەر تۇراقتى ەكسپوزيسيامەن قاتار دەمەن حەرستتىڭ «جاڭا ءدىن» اتتى كورمەسىن دە كورە الادى.

دەمەن حەرست "Sunday Times" باعالاۋى بويىنشا قازىرگى زامان سۋرەتشىلەرىنىڭ اراسىنداعى ەڭ باي ءارى الەم بويىنشا سۇرانىسقا يە سۋرەتشىلەردىڭ ءبىرى. ونىڭ «جاڭا ءدىن» اتتى كورمەسىندە جىبەك-ترافارەتتى باسپا مەن مۇسىندەر ۇسىنىلادى. بريتاندىقتىڭ تۋىندىلارى ادامنىڭ  ءولىم-جىتىمى مەن ونىڭ عىلىم مەن تەحنيكاعا دەگەن بار ىنتاسىن كورسەتەدى.

«ادامداردىڭ ونەر الەمىمەن تانىسۋى، سول ارقىلى وزدەرىنىڭ ىشكى دۇنيەلەرىن بايىتۋى وتە ماڭىزدى. «بايلىق» ءسوزى سبەربانكپەن قاتار قولدانىلعان كەزدە ەڭ الدىمەن ماتەريالدىق قۇندىلىقتار رەتىندە قابىلداناتىنى انىق، الايدا ءبىزدىڭ قىزمەتىمىز ادامداردىڭ ومىرىنە بارىنشا كوپ ماتەريالدىق ەمەس يگىلىكتەردى الىپ كەلگەنىن قالايمىز»، - دەپ اتاپ ءوتتى "سبەربانك" اق ەب باسقارما ءتوراعاسىنىڭ ورىنباسارى نۇرسۇلتان تاسكارانوۆ.

ءا.قاستەيەۆ اتىنداعى مەملەكەتتىك ونەر مۇراجايىنىڭ ديرەكتورى گۇلميرا شالابايەۆانىڭ ايتۋىنشا، سبەربانك ۇيىمداستىرىپ جاتقان اكسيانىڭ ارقاسىندا ونەر مەن مادەنيەتكە دەگەن قىزىعۋشىلىق ارتا تۇسپەك. گۇلميرا شالابايەۆا ءوز اتىنان سبەربانك ۇيىمىنا العىسىن ايتىپ، تاڭدانىسىن ءبىلدىردى. ونىڭ ويىنشا ماتەريالدىق قۇندىلىقتاردى ساقتاۋ ۇيىمىنىڭ مادەنيەتكە كوڭىل ءبولۋى قۋاناتىن جايت.

(كەلۋشىلەر اراسىندا ويىندار ويناتىلىپ، جەڭىمپازدارعا بانك تاراپىنان سىيلىقتار بەرىلدى)

كەلۋشىلەر دە وسىنداي ءىس-شارانىڭ ءوتىپ جاتقانىنا ماز-مەيرام. «بۇگىنگى تاڭدا مۇراجايعا كىرۋ بيلەتتەرى قىمباتتاپ كەتتى، وسىعان وراي زەينەتكەرلەر مەن جۇمىس ىستەمەيتىن ادامداردىڭ مۇراجايعا كەلىپ، ونەر تۋىندىلارىمەن تانىسۋعا مۇمكىندىكتەرى بولا بەرمەيدى. سوندىقتان سبەربانكتىڭ وسىنداي ءىس-شارا ۇيىمداستىرىپ جاتقانىنا وتە قۋانىشتىمىز» - دەيدى زەينەتكەر ەكاتەرينا حانىم.