بورانعا بايلانىستى شىعىس قازاقستان وبلىسىنىڭ اۋماعىندا ەكى جولدىڭ ۋچاسكەسىندە كولىك قوزعالىسى شەكتەلدى، دەپ حابارلايدى قازاقپارات.
«قازاقاۆتوجول» رمك مالىمەتىنە قاراعاندا، تولاسسىز جاۋعان قار مەن بوران سالدارىنان بۇگىن ساعات 08:00-دەن باستاپ بارلىق كولىك تۇرلەرى ءۇشىن «وسكەمەن - شەمونايحا - رف شەكاراسى» اۆتوجولىنىڭ 108-123 شاقىرىمىنداعى شەمونايحا مەن رەسەي شەكاراسى ارالىعىنداعى جول جابىق تۇر. سونىمەن قاتار، ساعات 06:00-دان بەرى «وسكەمەن - زىريانوۆسك - قاتونقاراعاي-راحمانوۆ بۇلاعى» اۆتوجولىنىڭ 6-66 شاقىرىمىندا دا كولىك قوزعالىسىنا شەكتەۋ ەنگىزىلدى. رەسپۋبليكا بويىنشا قوزعالىستى شەكتەۋ كارتاسىنا قاراعاندا، قازىرگى ۋاقىتتا ەلىمىزدىڭ وزگە وڭىرلەرىندە جولدار اشىق.
