قوستانايلىق رامزان بايداۋلەتوۆ بىرىككەن اراب امىرلىكتەرىندە مەنتالدى اريفمەتيكادان وتكەن حالىقارالىق جارىستىڭ ءادىلقازىلار القاسىن تاڭداي قاقتىردى.

 بۇل تۋرالى قازاقپارات حابارلايدى.

 جەڭىمپازدىڭ اناسى ايگۇل ايۋپوۆانىڭ ايتۋىنشا، ونىڭ بالاسى ءوزىنىڭ دارەجەسىندە ءبىرىنشى بولدى. 8 ءمينۋتتىڭ ىشىندە ول 175 مىسالدى شەشتى، دەپ جازادى الاۋ. «وندا ەكىقاتارلى جانە بىرنەشە قاتار مىسالدار بولعان. بالام شەشتى. ول سيفرلاردى اپ-ساتتە ورىن-ورىنىمەن ورنالاستىرادى. وتكەن جىلى ءبىز مەنتالدى اريفمەتيكا اكادەمياسىنا بارعانبىز. بۇگىن مىنە، ناتيجەسىن كورىپ وتىرمىز»،-دەيدى جاس اقىل-وي يەسىنىڭ اناسى. رامزان مەكتەپكە دەيىنگى دايىندىق ساباعىنا بارادى. ول قوستانايداعى جەدەل وقۋ مەكتەبىن ءساتتى اياقتادى. ول سونىمەن قاتار شاحماتپەن دە بەلسەندى اينالىسادى. وسى ۋاقىتتا ەڭبەكقور بالانىڭ 3 دارەجەسى بار. دارىندى جاستىڭ اناسى بالاسىنىڭ وتە كەرەمەت ەستە ساقتاۋ قابىلەتى بارىن ايتادى. ەندى 6 جاسار چەمپيونعا يندونەزيادا وتەتىن جارىستارعا قاتىسۋ جونىندە ۇسىنىس تۇسكەن. ول بالي ارالىنا 2017 جىلدىڭ جەلتوقسان ايىندا بارادى. رامزاننىڭ ەڭ ۇلكەن ارماندارىنىڭ ءبىرى - ەلباسىنىڭ شىرشاسىنا قاتىسۋ.