قاراشانىڭ 12 كۇنى الماتى قالاسىنداعى «ادك» ساۋدا كەشەنىندە «كەل دە ال» اكسياسىسىن وتكىزىپ، قوعام نارازىلىعىنا ىلىككەن ادك ساۋدا ورتالىعىنىڭ اكىمشىلىگى حالىقتان رەسمي تۇردە كەشىرىم سۇرادى، - دەپ حابارلايدى قامشى پورتالى.  

 ازاماتتاردىڭ جاعىمسىز پىكىرلەرىن نازارعا الا وتىرىپ، 2016 جىلعى 14 قاراشادان باستاپ «ادك» ويىن-ساۋىق ساۋدا كەشەنىندەگى «كۆارتيرنايا زاكۋپكا» شاراسى شەڭبەرىندە ۇيىمداستىرىلعان  «كەل دە ال» اكسياسى توقتاتىلعاندىعىن حابارلايمىز.

 وسى اكسيانى قورلاۋ دەپ ويلاعان بارلىق ازاماتتاردان كەشىرىم سۇرايمىز!   سونىمەن قاتار، «ادك» ويىن-ساۋىق ساۋدا كەشەنى قوعامىمىزدا قالىپتاسقان مورالدىق جانە ادامگەرشىلىك قاعيدالارىن تولىعىمەن قولدايتىنىن مالىمدەيمىز.

ەستەرىڭىزگە سالساق، 12 قاراشا "كەل دە ال" اكسياسى ءوتىپ، وندا  جالاڭاشتانعان  ادامدار ءۇشىن 5000 تەڭگە جەڭىلدىك قاراستىرىلعان. بۇل اكسيا قوعامدى دۇرلىكتىرىپ، جۇرتشىلىق نارازىلىعىن تۋدىرعان بولاتىن.