ءۇندىستاندا اۋىل تۇرعىندارى 6 جاسار بالانى قۇداي رەتىندە كورىپ، وعان تابىنىپ ءجۇر. تۇرعىنداردىڭ پىكىرىنشە، پرانشۋدىڭ تانىنە ۇندىستەردىڭ ءبىر قۇدايىنىڭ جانى قونعان بولۋى مۇمكىن. سەبەبى ونىڭ سىرت كەلبەتى گانەش قۇدايىنا قاتتى ۇقسايدى. پرانشۋ پەندجابتاعى دجالانحار (Jalandhar) ەلدى-مەكەنىندە تۇرادى. دۇنيەگە كەلگەن كەزىندە-اق ونىڭ كوزدەرى قىسىڭقى ءارى ماڭدايى ىسىڭكى بولعان. دارىگەرلەر ونىڭ دەنساۋلىعىنا قاتىستى ناقتى بايلامعا كەلە الماعان-دى، دەپ جازادى ءوز دەرەككوزىنە سۇيەنگەن muslim.kz.

ونىڭ ەرەكشە بەت-الپەتىنە زەر سالعان اۋىل تۇرعىندارى جاس بالانى قۇدايعا تەڭەپ، وعان «لورد گانەش» (اۆت. گانەش – ۇندىستەر تابىناتىن قۇدايلاردىڭ ءبىرى) دەپ ات بەرگەن. «ول – قۇداي. باسقا ادامدار سياقتى مەن دە وعان تابىنامىن. سەبەبى ونىڭ دەنەسى گانەش قۇدايىنىڭ مۇسىنىنەن اۋمايدى»، – دەپ اتاپ ءوتتى جىگىتتىڭ اكەسى.  «مەنىڭ تۇر-الپەتىم گانەشكە ۇقسايدى، ادامدار مەنىڭ شىنايى ەسىمىمدى دە بىلمەيدى. مەكتەپتەگى ۇستازدارىم دا ماعان قۇلشىلىق جاسايدى. ال دوستارىم مەنى قۇداي ساناعاندىقتان، مەنىمەن ويناپ نەمەسە قورقىتپايدى. ادامدار مەنى گانەش دجي دەپ اتاعان كەزدە ءوزىمدى باقىتتى سەزىنەمىن. مەن تەك سوعان ۇقساعىم كەلەدى. ۇلكەن باسىما دا، بەت-الپەتىمە دە ءدان ريزامىن»، – دەپ اتاپ ءوتتى كىشكەنتاي پرانشۋ.