پاكىستاندا تۇراتىن اعايىندى ابدۋل راشيد پەن شوايب احمەد وتە سيرەك كەزدەستىن قۇپيا اۋرۋدىڭ زاردابىن تارتۋدا،-  دەپ حابارلايدى  Qamshy.kz mediadum.com پورتالىنا سىلتەمە جاساپ.

ابدۋلدىڭ جاسى توعىزدا،  اعاسى احمەدتىڭ جاسى 13-تە. اعايىندىلار كۇندىز دەندەرى ساۋ، قاراپايىم ادامدار داي جۇرەدى دە، كۇن باتقاندا ولار ادام ايتسا سەنگىسىز كۇيگە تۇسەدى. اينالاسىندا نە بولىپ جاتقانىن ەستىپ تۇرسا دا، سويلەي الماي، تولىعىمەن سال بولىپ قالادى.

اكەسى ۇلدارىن كۇننىڭ كوزىنەن قۋات الاتىنىن ايتىپ، "كۇن بالالارى" دەپ اتاپ كەتكەن. ءبىر تاڭ قالارلىعى بالالار كۇندىزدىڭ وزىندە قاراڭعى جەردە وزدەرىن وتە جاقسى سەزىنەدى، ءتىپتى جاڭبىرلى كۇندەرى كۇندى بۇلت جاۋىپ تۇرسا دا، ولار وزگە ادامدار سەكىلدى تىرشىلىگىن جاساي بەرەدى. تەك كەش باتسا بولدى، بەيمالىم كۇيدەن ارىلا المايدى.

قازىرگى كەزدە بۇل ەرەكشە قۇبىلىسقا پاكىستان ۋنيۆەرسيتەتىنىڭ مەديسينا دوكتورى دجاۆەد اكرام زەرتتەۋ جۇرگىزۋ ۇستىندە.

«ءبىز شىن مانىندە نە بولىپ جاتقانىن انىقتاۋعا مىندەتتىمىز. ءبىزدىڭ ماماندار  بۇل بالالاردىڭ كۇندىز ەل قاتارلى ءجۇرىپ، ال كەش باتقاندا بۇكىل كۇشىنەن ايىرىلىپ، ءتىپتى كوزىن اشا المايتىن دارەجەگە جەتۋىنىڭ سەبەبىن انىقتاۋعا تىرىسىپ جاتىر"، - دەيدى ول.

بالالاردىڭ اكەسى  موحاممەد حاشيم (Mohammad Hashim) بالالارىن قانداي تىلسىم كۇشتىڭ قينايتىنىن انىقتاۋدان شارشاعان. ول بالالارىن بىرەۋ وقىتىپ تاستادى دەپ وتىر.  سول ءۇشىن ءتۇرلى ەمشىلەردى ەمدەپ، تابانىنان توزىپ ءجۇر. سونىمەن قاتار ول بالالارىن دىنگە باۋلۋدا.

 بالالار شامامەن 300 زەرتتەۋ مەن تەستتەردەن وتكەن، مۇنداي شاراسىز تاڭ قالماسقا بولمايتىن قۇبىلىستىڭ ءمان-جايىن ەشكىم ءالى تۇسىندىرە الماۋدا.  دارىگەرلەر مۇنى گەنەتيكالىق انوماليا، ياعني اعايىندا باۋىرى مەن اپكەسىنىڭ نەكەسى سالدارى بولۋى مۇمكىن دەگەن بولجام جاساپ وتىر. ولاردىڭ التى بالاسى بولعان، ونىڭ ەكەۋى ەرتەرەكتە قايتىس بولعان. بالالاردىڭ ەكى قارىنداسى بار، ءبىراق ولار مۇنداي دەرتتەن ادا.  

«كۇن بالالارىنىڭ» جۇمباعىن شەشۋگە الەمنىڭ بارلىق مەديسينا قىزمەتكەرلەرى باستارىن قاتىرۋدا.  ازىرشە، بالالاردىڭ اۋرۋرلارىن باسەڭدەتەتىن تەراپيا ويلاپ تابىلدى.

ءقازىر اعايىندىلار ساعات كەشكى 10-عا دەيىن ساۋ جۇرە الادى. «ءقازىر ولاردىڭ جاعدايى جاقساردى. الداعى ۋاقىتتا تولىقتاي جازىلىپ كەتەدى دەپ سەنەمىز!» ،- دەيدى اعايىندىلاردىڭ اكەسى.

ءوز اۋرۋلارىنا قاراماستان بالالارعا دارىگەرلەر مەن ب ا ق وكىلدەرى قاتتى ۇنايدى ەكەن. ولار زەرتتەۋۋ كەزىندەگى ءدامدى تاماقتاردى ايتىپ، ءماز بولىسادى. وسكەندە شوايب مەكتەمتە ۇستاز بولامىن دەسە، ابدۋل ءدىني ءبىلىمىن جالعاستىرعىسى كەلەدى ەكەن.