اتىراۋدا وقۋ ءىسى مەڭگەرۋشىسىنىڭ وقۋشى قىزعا قول كوتەرگەن ۆيدەوسى Youتube قولدانۋشىلارىنىڭ اشۋىنا ءتيدى،-  دەپ حابارلايدى Qamshy.kz Nur.kz-كە سىلتەمە جاساپ. 

جەلىنى شۋلاتقان ۆيدەونى قىزدىڭ اناسى Youtube-قا جۇكتەپ، بولعان وقيعانى ايتىپ بەرگەن. ونىڭ ايتۋىنشا، وقيعا قانىش ساتبايەۆ اتىنداعى ورتا مەكتەپتە بولعان.

ۆيدەودان ءمۇعالىم وزگە وقۋشىلارمەن كەتىپ بارا جاتقان قىزدى توقتاتىپ وعان ۇرىسىپ جاتقانى بايقالادى. سول ساتتە وقۋشى قىز كەتىپ قالعاسى كەلەدى، الايدا مەڭگەرۋشى ونىڭ قولىنان ۇستاپ الىپ، وعان ۇرىسۋىن جالعاستىرادى. ءتىپتى وعان قولدا كوتەرەدى.

ۆيدەو اۆتورى وقۋشى قىزدىڭ قۇلاعى اۋىرىپ جۇرگەننەن كەيىن، مەكتەپكە قالپاق كيىپ بارىپ جۇرگەنىن اتاپ وتەدى.

ونىڭ ايتۋىنشا، بولعان وقيعادان كەيىن قىزىنىڭ مەكتەپكە بارعىسى كەلمەيدى. ءتىپتى وزىنە ۇرىسا بەرەتىن مۇعالىمدەردى كورگىسى كەلمەيدى ەكەن. 

وسىدان كەيىن، وقۋشى قىزدىڭ اناسى قالالىق ءبىلىم بولىمىنە شاعىمدانعان.

قالالىق ءبىلىم ءبولىمى قىز بالانىڭ اناسىنىڭ شاعىمىنان كەيىن 20 جىلدىق ەڭبەك ءوتىلىمى بار ءمۇعالىم تاربيلىك جۇمىستان شەتتەتىلىپ، لاۋازىمىنان ايىرىلعانىن ايتتى. الايدا ءمۇعالىم سول مەكتەپتە ورىس تىلىنەن ساباق بەرۋىن جالعاستىرۋدا.

https://m13.spacebro.net/videos/aj/ee/mk/79/ajeemk79.mp4؟video_id=ajeemk79&server_id=14&storage=2