اقتوبە وبلىسىنىڭ دەنساۋلىق ساقتاۋ باسقارما باسشىسىنىڭ ورىنباسارى المات ەرماعامبەتوۆ ءوز قىزىن نازاربايەۆ ۋنيۆەرسيتەتىنە ءتۇسىرۋ ءۇشىن 20 000 دوللار پارا بەرگەنىن پوليسيا قىزمەتكەرلەرىنە ايتىپ بەردى.

وسى الاياقتىق ءۇشىن  ۇستىنەن ءىس قوزعالاعان 39 جاستاعى بوتاگوز بيەكەنوۆا سوتتالىپ جاتىر. المات ەرماعامبەتوۆتىڭ ايتۋىنشا: وسى جىلدىڭ اقپان ايىندا تانىستارىمىز ۇلكەن قىزىمدى نازاربايەۆ ۋنيۆەرسيتەتىنە، ال كىشى قىزىمدى اقتوبە قالاسىنداعى نازاربايەۆ مەكتەبىنە ءتۇسىرىپ بەرەمىن دەگەن ۇسىنىس جاسادى. تانىس ايەل شەنەۋنىككە نيم ديرەكتورىن بىلەمىن، ال نازاربايەۆ ۋنيۆەرسيتەتىنىڭ پرورەكتورى - مەنىڭ اعام دەپ ايتقان بولاتىن.  تانىس كىسى ءوزىن قابىلداۋ كوميسسياسىنىڭ مۇشەسىمىن دەپ ايتقان. سول سەبەپتەن، مەن ول كىسىگە تولىقتاي سەنىپ، ايەلىمنىڭ كوزىنشە 20 مىڭ دوللار بەردىم. بيەكەنوۆا حانىمنان قولحات الماعان سەبەبىم دە سول.

بيەكەنوۆا حانىم پارا العانىن مويىندامادى.

«دياپوزون» باسىلىمىنىڭ حابارلاۋىنشا، شەنەۋنىك قىزىن ۋنيۆەرسيتەتكە تۇسىرە الماعاننان كەيىن پوليسيا قىزمەتكەرلەرىنە حابارلاعان.

ءىىد-نىڭ حابارلاۋىنشا، بوتاكوز بيەكەنوۆا ۇستالعان، وعان ۇلكەن كولەمدە پارا الدى دەگەن ايىپ تاعىلىپ وتىر. سونىمەن قاتار، مەكەمە قىزمەتكەرلەرى «وسى ازاماتشادان جابىرلەنۋشىلەردى ىشكى ىستەر دەپارتامەنتىنە حابارلاسسىن»  دەگەن حابارلاندىرۋ جاسادى.