ۆيدەودا كىشكەنتاي ءسابيدى اياۋسىز ۇرعان ايەل وزبەكستاننان تابىلدى، - دەپ حابارلادى «قازاقپارات».  

«وزبەكستان رەسپۋبليكاسى ىىم-مەن بىرلەسكەن جەدەل-ىزدەستىرۋ شارالارى بارىسىندا كورشى مەملەكەت اۋماعىنان شاقالاققا قاتىگەزدىك كورسەتكەن كۇدىكتى وزبەكستان ازاماتشاسى انىقتالىپ، ودان جاۋاپ الىندى. ايەل كىناسىن تولىقتاي مويىندادى. سوتالدى تەرگەۋ اياسىندا كۇدىكتىگە قاتىستى سونداي-اق، مەملەكەتتىك شەكارانى زاڭسىز كەسىپ وتكەنى  جانە ق ر كوشى-قون زاڭناماسىن بۇزعانى ءۇشىن جاۋاپكەرشىلىككە تارتۋ ماسەلەسى شەشىلۋدە»، - دەپ حابارلادى ول. الماس سادۋبايەۆتىڭ ايتۋىنشا، ءقازىر كۇدىكتىنىڭ تۇرعىلىقتى ورنى بويىنشا قىلمىستىق ءىس ماتەريالدارىن وزبەكستان رەسپۋبليكاسىنا بەرۋ تۋرالى حالىقارالىق تاپسىرما ازىرلەنۋدە.  ەسكە سالايىق، ۆيدەو Instagram الەۋمەتتىك جەلىسىندە تارادى. كادردا ايەل ديۆاندا وتىرىپ، جاسقا تولماعان نارەستەنى اياۋسىز شاپالاقتاپ جاتقانى انىق كورىنەدى. ول «اۋزىڭدى جاپ» دەپ ايعايلاپ، بالانى باسىنان، بەتىنەن اياۋسىز  ۇرادى. كەيىن ق ر ءىىم مەملەكەتتىك ءتىل جانە اقپارات دەپارتامەنتىنىڭ ديرەكتورى الماس سادۋبايەۆ ايەلدىڭ جەكە باسى انىقتالعاندىعىن حابارلاعان بولاتىن.