وسىدان ءبىر اپتا بۇرىن، كراسنويارسك ءوڭىرىنىڭ نوريلسك قالاسىنىڭ دالدىكان وزەنى قىپ-قىزىل تۇسكە بويالدى. جەرگىلىكتى تۇرعىندار بۇل ەرەكشە قۇبىلىستى ۆيدەو مەن فوتو-عا ءتۇسىرىپ، عالامتور جەلىلەرىندە تاراتتى. بىرنەشە كۇننەن سوڭ، نوريلسك جايلى بۇكىل الەمدىك ب ا ق وكىلدەرى اڭگىمە قوزعادى، - دەپ حابارلايدى Qamshy.kz.

الدىن الا تەكسەرۋدىڭ ناتيجەسى بويىنشا وزەننىڭ لاستانۋ سەبەبى: «نوريلسكيي نيكەل» تاۋ كەن وڭدىرەتىن مەتالۋرگيالىق كومپانياسىنىڭ قويمالجىڭ جەتكىزگىشتەرىنىڭ جارىلۋى. الايدا، كومپانيا باسشىلىعى بۇل ماسەلەگە قاتىستى ءوز كىنالارىن مويىنداماي جاتىر. رەسەي ەكولوگياسىنىڭ ءمينيسترى سەرگەي دونسكيي وسى جاعدايدى «روسپريرودنادزور» باسشىسىنا ءوز قولىنا الۋعا تاپسىردى. عالامتور جەلىلەرىندە بۇل قۇبىلىستى كورگەن ادامدار «اقىر زاماننىڭ» بەلگىسى دەپ ءتۇسىندى.

كەيىننەن، جەلىدە «نادەجدا» مەتاللۋرگيالىق كومبيناتىنىڭ بۇرىنعى قىزمەتكەرىنىڭ مالىمدەمەسى پايدا بولدى. ايتا كەتەتىن جايت، «نادەجدا» مەتاللۋرگيالىق كومبيناتى «نوريلسكيي نيكەل» كومپانياسىنىڭ مەنشىگى بولىپ تابىلادى. قىزمەتكەردىڭ ايتۋى بويىنشا قوقىس قالدىقتارى ساقتالاتىن سىيىمدىلىقتار ءجيى اعىپ تۇرادى. ءتىپتى، قىس كەزىندە قاردىڭ بارلىعى قىزىل تۇسكە بويالادى.

الايدا، «نورنيكەل» باسشىلىعى ەشقانداي حيميكات وندىرىستەن بولىنبەيدى، قورشاعان ورتانى لاستامايدى دەپ ايتقان بولاتىن. قازىرگى كەزدە، دالدىكان وزەنى قايتا ءوز قالپىنا كەلدى. بارلىعى «اقىر زامان» دەپ تۇسىنگەن بۇل قۇبىلىستىڭ شىن مانىندە نە سەبەپتى بولعانىن «روسپريرودنادزور» انىقتايتىنىنا سەنەمىز.