سوت ارىستانبەك مۇحامەدي ۇلىنىڭ ارىزىن قاراماستان قايتاردى، - دەپ حابارلايدى Tengrinews.kz ءتىلشىسى مادەنيەت جانە سپورت ءمينيسترىنىڭ ادۆوكاتى ەسكەندىر الىمبايەۆقا سىلتەمە جاساپ.
"ارىز پروسەسسۋالدىق سيپاتى جەتكىلىكسىز بولعاندىقتان قايتارىلدى. قازىرگى ۋاقىتتا ءبىز سوت سىلتەگەن مىندەتتەردى ورىنداۋمەن شۇعىلدانىپ جاتىرمىز" - دەدى ادۆوكات ەسكەندىر الىمبايەۆ.
ەسكە سالايىق، وسىعان دەيىن ت. جۇرگەنوۆ اتىنداعى قازاق ۇلتتىق ونەر اكادەمياسىنىڭ بۇرىنعى ستۋدەنتى ەڭلىك سىدىقوۆا ءمينيستردى بوتەن ويمەن ءتيىستى دەپ ايىپتاعان بولاتىن. ۆيدەودا قىز 2011 جىلى مۇحامەدي ۇلى رەكتور بولعاندا اكادەمياعا اقشاعا ءتۇسىرىپ بەرەتىنىن ايتتى جانە ەكىۇشتى ۇسىنىستار ايتتى دەپ مالىمدەيدى. ال مۇحامەدي ۇلى ءوز كەزەگىندە بۇل مالىمدەمەنىڭ شىندىققا جاناسپايتىنىن مالىمدەگەن. وسىدان كەيىن باق-تاردا تاعى ءبىر قىزدىڭ ءمينيسترى "ءتيىستى" دەپ ايىپتاعانى جايلى حابار تارادى. ال كەيىن ق ر مادەنيەت جانە سپورت ءمينيسترى ارىستانبەك مۇحامەدي ۇلى ار-نامىسى مەن ابىرويىن سوتتا قورعايتىن بولاتىنى حابارلاندى.
وسىعان دەيىن، مادەنيەت جانە سپورت ءمينيسترىنىڭ ادۆوكاتى ەسكەندىر الىمبايەۆ ءمينيستردىڭ بەرگەن ارىزى زاڭ تالاپتارىنا ساي تولتىرىلعانىن ايتقان بولاتىن.
"مەملەكەتتىك قىزمەتكەرگە كوپشىلىك الدىندا پارا الدى دەپ ايعاقسىز ايىپتاۋلار تاعىلعان جاعدايدا، سول كۇننەن باستاپ ءبىر اي ىشىندە سول ايىپتارىن جوققا شىعارۋ ءتيىس. مۇنداي ايىپتاۋلار ەڭىلىك سىدىقوۆانىڭ سوزىندە بار"، - دەدى ءمينيستردىڭ ادۆوكاتى.
مۇحامەدي ۇلىنىڭ ادۆوكاتى ەگەر ەڭىلىك سىدىقوۆا ءوز ايىپتاۋلارىن جوققا شىعاراتىن بولسا ءوزىنىڭ ارىزىن قايتارىپ الاتىنىن مالىمدەگەن.
"ونداي وشپەندىلىك وي جوق. ءبىز ونىڭ بۇل جاعدايدا قۇربان بولىپ وتىرعانىن ءبىلىپ وتىرمىز، سەبەبى ونىڭ سوزىندە جاتتاندى ماتىندەر بار. ياعني ول نە ويلاعانىن ايتقىسى كەلىپ تۇرعان جوق، دايىندالعان ءماتىندى جاتقا ايتىپ تۇر. مۇمكىن وعان بىرەۋ اسەر ەتكەن شىعار، مۇمكىن ودان وسىنداي دەپ ايتۋىدى وتىنگەن بولار"، - دەدى ادۆوكات Tengrinews.kz تىلشىسىنە بەرگەن سۇحباتىندا.
