اۆسترالياداعى حوۋمبۋش شىعاناعىندا 105 جىل بۇرىن يەسىز قالعان كەمە الەم جۇرتشىلىعىن تاڭ قالدىرىپ، جەرگىلىكتى تۇرعىنداردىڭ ماقتانىشىنا اينالدى. 1911 جىلى اسكەر تاسۋ ءۇشىن جاسالعان كەمە تالاي تاريحتى باستان وتكەرىپ بارىپ، حوۋمبۋش شىعاناعىنان ورىن تەۋىپتى.
كەمەنى پايدالانۋشىلار ونى وڭدەۋگە جىبەرۋدى ۇمىتىپ، وسى ايلاققا قالدىرعان. سودان عاسىردان دا استام ۋاقىت ىشىندە كەمە ىشىنە كادىمگى ورماندى كوزگە ەلەستەتەردەي كوپ اعاش قاۋلاپ ءوسىپ شىققان.
كەمەنىڭ ىشىندەگى اعاشتار ونىڭ ءتۇبىن تەسىپ، تامىرىن تەرەڭگە جىبەرىپتى. جەرگىلىكتى تۇرعىندار كەمەدەگى ورماندى شەت ەلدەن كەلگەن قوناقتارعا ماقتانىشپەن كورسەتەدى. ءارى ونىڭ ساقتالۋىنا ۇلكەن ءمان بەرەدى. اۆستراليا تۇرعىندارى ەرەكشە ورماننىڭ ءسانىن بۇزباۋ ءۇشىن ەسكى كەمەنى ورنىنان قوزعاماۋدى ۇيعارىپتى.
ازىرلەگەن دانا قامشىبەك
