ەلوردادا ءوتىپ جاتقان وڭىرلىك ب ا ق فورۋمىنا قاتىسۋشىلار وڭىرلىك جۋرناليستەر اليانسىن قۇرۋ باستاماسىن قولدادى، دەپ حابارلايدى قازاقپارات.

فورۋم بارىسىندا "الماتى" تەلەارناسىنىڭ باس ديرەكتورى الىبەك الدەنەي وڭىرلىك جۋرناليستەر اليانسىن قۇرۋدى ۇسىنعان بولاتىن. بۇل باستامانى «شىمكەنت كەلبەتى» گازەتىنىڭ باس رەداكتورى ايگۇل قاپاروۆا دا قولدادى. «مەن وڭتۇستىك قازاقستان وبلىسىنىڭ شىمكەنت قالاسىنان كەلدىم. جۋرناليستەردىڭ اليانسىن نەمەسە باسقا قاۋىمداستىق قۇرۋ باستاماسىن قولدايمىن. وتە قۇندى ۇسىنىس. ويتكەنى، اۋداندار مەن اۋىلداردا شىعاتىن بۇقارالىق اقپارات قۇرالدارى وزدەرىن دالادا قالعانداي سەزىنەتىندىگى راس. سوندىقتان قازىرگى تاڭدا ولاردىڭ باسىن بىرىكتىرەتىن ۇيىم قاجەت دەپ ولايمىن»،-  دەدى قاپاروۆا.

ايتا كەتەرلىگى،  اقپارات جانە كوممۋنيكاسيالار ءمينيسترى داۋرەن ابايەۆ تا مۇنداي باستاماعا تولىق قولداۋ كورسەتتى. «ءيا، مۇنداي اليانس كەرەك دەپ ويلايمىن. وڭىرلىك جۋرناليستەر اليانسىن قۇرۋ ۇسىنىسىن تولىقتاي قولداۋعا بولادى»،-  دەدى مينيستر.

«داۋرەن اسكەربەك ۇلى، ءوزىڭىز اتاپ وتكەندەي، قازاقستاننىڭ مەديا-نارىعىنىڭ 70 پايىزىن وڭىرلىك ب ا ق  قۇرايدى. بۇگىنگى تاڭدا قازاقستاننىڭ مەديا-نارىعىندا ۇلتتىق تەلەراديو حابارلارىن تاراتۋشىلار قاۋىمداستىعى سىندى كوپتەگەن قوعامدىق ب ا ق ۇيىمدارى بار. ءبىراق ولاردىڭ باعىتتارى وتە تار، بىردە-بىر وڭىرلىك باق-تى قامتىمايدى. ياعني، ولاردى قورعامايدى، مۇددەلەرىن ىلگەرىلەتپەيدى. وسىعان وراي مەندە مىناداي ۇسىنىس بار. ءسىز وڭىرلىك باق-تىڭ مۇددەسىن قورعايتىن جاڭا اليانس قۇرۋ يدەياسىنا قالاي قارايسىز؟»، - دەپ سۇرادى «الماتى» تەلەارناسىنىڭ باس ديرەكتورى الىبەك الدەنەي اقپارات جانە كوممۋنيكاسيالار مينيسترىنەن. ءوز كەزەگىندە مينيستر بۇل باستاماعا تولىقتاي قولداۋ ءبىلدىردى. «ءيا، مۇنداي اليانس كەرەك دەپ ويلايمىن. وڭىرلىك جۋرناليستەر اليانسىن قۇرۋ ۇسىنىسىن تولىقتاي قولداۋعا بولادى. بۇعان قوسا، شىنىمەن دە مەملەكەتتىك تاپسىرىس اياسىندا ازىرلەنەتىن كونتەنتتەرمەن الماساتىن ۋاقىت جەتتى. ءبىز بۇل كونتەنتتەردى وڭىرلەرگە بەرۋگە دايىنبىز. بۇل اسىرەسە وڭىرلىك تەلەارنالار ءۇشىن بارىنشا ماڭىزدى بولار ەدى»،-  دەدى ابايەۆ.