بۇگىن ق ر سىرتقى ىستەر ءمينيسترى ەرلان ىدىرىسوۆ قازاقستانعا رەسمي ساپارمەن كەلگەن چەxيانىڭ سىرتقى جانە ەۋروپالىق ىستەر ءمينيسترى ليۋبومير زاورالەكپەن كەزدەستى. تاراپتار پراگا قالاسىندا قازاقتىڭ ۇلى اقىنى اباي قۇنانبايەۆقا ارناپ ەسكەرتكىش تۇرعىزۋعا ۋاعدالاستى، دەپ xابارلايدى قازاقپارات ءتىلشىسى.

"بۇگىنگى كەزدەسۋدە ەكىجاقتى ساۋدا-ەكونوميكالىق، مادەني-گۋمانيتارلىق جانە xالىقارالىق ماسەلەلەر تالقىلاندى. قازاقستان مەن چەxيا اراسىنداعى ىنتىماقتاستىقتىڭ جاڭا باعىتتارىن بەلگىلەدىك. ءبىز چەxيانىڭ ماشينا جاساۋ، اۋىل شارۋاشىلىعى مەن دەنساۋلىق ساقتاۋ سالاسىنداعى ۇلكەن الەۋەتىن بىلەمىز. ءدال، وسى باعىتتارعا باسىمدىق بەرىلەدى. قازىرگى كەزدە چەxيا جەرىندە كوپتەگەن قازاقتاندىق ستۋدەنتتەر ءبىلىم الىپ ءجۇر. ال مادەنيەت سالاسىنا كەلەر بولساق، جاقىن ارادا پراگا قالاسىندا ءبىزدىڭ ۇلى اقىنىمىز ابايعا ەسكەرتكىش ورناتىلادى دەپ سەنەمىز"، - دەدى كەزدەسۋدەن كەيىنگى بريفينگتە ە.ىدىرىسوۆ.

مينيسترلىكتىڭ باسپا ءسوز قىزمەتىنىڭ مالىمەتىنە سايكەس، ەكى مينيستر چەxيانىڭ استاناسى - پراگا قالاسىندا اباي ەسكەرتكىشىن ورناتۋعا كەلىستى. الداعى ۋاقىتتا ەسكەرتكىشتىڭ جەرى انىقتالادى. ونى قالانىڭ قاق ورتاسىندا اشۋ جوسپارلانعان. چەxيا سىرتقى ىستەر ءمينيسترى ليۋبومير زاورالەك ءوز كەزەگىندە قازاق تىلىندە امانداسىپ، استاناداعى قوناقجايلىلىق ءۇشىن ءوز العىسىن دا قازاق تىلىندە جەتكىزدى. ساپار بارىسىندا ونىڭ پرەزيدەنت ن.نازاربايەۆپەن كەزدەسەتىنى جوسپارلانعان. بۇدان بولەك، قازاقستان-چەxيا بيزنەس فورۋمىنا قاتىسادى. ايتا كەتەيىك، ل.زاورالەكپەن بىرگە كەلگەن دەلەگاسيانىڭ قۇرامىندا 30-دان استام بيزنەسمەن، وسى ەلدىڭ ايماقتىق دامۋ ءمينيسترى، سونداي-اق استاناداعى ەكسپو-2017 كورمەسىندەگى چەxيا پاۆيلونىنىڭ ۇلتتىق كوميسسارى بار. ە.ىدىرىسوۆپەن وتكەن بۇگىنگى كەزدەسۋ اياسىندا ق ر پرەزيدەنتى جانىنداعى باسقارۋ اكادەمياسى مەن چەxيانىڭ سىرتقى ىستەر مينيسترلىگىنىڭ ديپلوماتيالىق اكادەمياسى اراسىندا ءوزارا ىنتىماقتاستىق تۋرالى مەموراندۋمعا قول قويىلدى.