بۇگىن ورتالىق كوممۋنيكاسيالار قىزمەتىندە 100 ناقتى قادام – ۇلتتىق جوسپارىنىڭ 56.2 قادام «3-4 ەكسپورتتىق قازاقستاندىق برەندتەردى جاساۋ جانە وتكىزۋ» تاقىرىبىنا ارنالعان باسپا ءسوز ءماسليحاتىن ءوتتى.

وعان ينۆەستيسيالار جانە دامۋ مينيسترلىگىنىڭ يندۋستريالىق دامۋ جانە ونەركاسىپتىك قاۋىپسىزدىك كوميتەتى ءتوراعاسىنىڭ ورىنباسارى تيمۋر نۇراشيەۆ،  «اناليتيكالىق ورتالىق» ج ش س باس ديرەكتورى قايرات ءسادۋاقاسوۆ پەن «Kaznext invest» اق-نىڭ ەكسپورتتى جىلجىتۋ دەپارتامەنتىنىڭ ديرەكتورى ايساۋلە سۋلتانمۇراتوۆا قاتىستى.

بريفينگتە اتالعان كوميتەت ءتوراعاسىنىڭ ورىنباسارى وتاندىق برەندتتى جاساپ، ونى شەتەلگە ناسيحاتتاۋدا اتقارىلىپ جاتقان جۇمىستار تۋرالى ايتىپ بەردى. ونىڭ ايتۋىنشا، قازىرگى كەزدە ەلىمىز 118 مەملەكەتكە تاۋاردىڭ 970 ءتۇرىن  ساتۋمەن اينالىسىپ جاتىر. جىلىنا شامامەن 200 مىڭنان اسا وتاندىق ءونىم شەتەلگە ساتىلادى.

–بۇگىندە ەلىمىزدە شەتەلگە وتاندىق ونىمدەردى ساتۋمەن 1 800 ەكسپورتتاۋشى جۇمىس ىستەيدى. ولار تۇراقتى تۇردە  1 ملن اقش دوللارىننان اسا پايدا ءتۇسىرىپ وتىر، – دەدى تيمۋر نۇراشيەۆ.

سونىمەن بىرگە ول اۋىل شارۋاشىلىعى كەشەنىندە ەلىمىزدىڭ بەتكەۇستار ماركالارىن جاساۋ ءۇشىن «Qazaq Organic Food»، «حالال»، «ەت برەندى» برەندتەرىنىڭ ازىرلەنگەنىن ايتتى. «بۇل برەندتەر بەلگىلى ءبىر نارىققا باعىتتالعان. بۇدان باسقا ءبىز ەلىمىزدىڭ اتىن الەمگە تانىتۋ ءۇشىن 10 كومپانيانى ارنايى تاڭداپ الدىق. قازىرگى كەزدە ولاردىڭ ونىمدەرىنە جاقىن جانە الىس شەتەلدەر قىزىعۋشىلىق تانىتىپ جاتىر. مىسالى، ەلىمىزدىڭ ەت ونىمدەرىنە جۇڭگو، رەسەي، تاياۋ شىعىس پەن اۆستراليا سياقتى ەلدەردىڭ سۇرانىسىنا يە.  ال اراب مەملەكەتتەرىن حالال ونىمدەرى قىزىقتىرادى. ارينە، اراب ەلدەرىنە ءبىز ارنايى تەكسەرۋدەن وتكەن ونىمدەردى جەتكىزەمىز»، دەدى تيمۋر نۇراشيەۆ.

باسپا ءسوز ءماسليحاتىندا «اناليتيكالىق ورتالىق» ج ش س باس ديرەكتورى قايرات ءسادۋاقاسوۆ وتاندىق برەندتەردى جاساۋدىڭ ماڭىزدىلىعى تۋرالى ايتىپ بەردى. ول ەلىمىزدە جەڭىل جانە اۋىر ونەركاسىپتى دامىتۋ ءۇشىن برەندتەر جاساۋ كەرەكتىگىن، وسىنىڭ ءوزى الەمگە قازاقستاندىق ءونىمدى ناسيحاتتاۋدا جانە دامىتۋدا ماڭىزدى ءرول اتقاراتىنىن ايتتى.

–قازىرگى تاڭدا قازاقستان 50 ءىرى ەكسپورتتاۋشى ەلدەر قاتارىنا كىرەدى. ەلىمىز تاۋەلسىزدىك العان كەزدەن بەرى شەتەلگە ۋران، ۇن، بيداي، مۇناي جانە باسقا دا ونىمدەردى ساتۋمەن اينالىسۋدا. ال شيكى مۇناي مەن ەت ونىمدەرى جاقسى ساتىلىپ جاتىر. مىسالى، ءبىر قىتايدىڭ ءوزى جىل سايىن ەلىمىزدەن 800 000 توننا سيىر ەتىن السا، ەلىمىز شيكى مۇنايدى ساتۋمەن اينالىساتىن  10 مەملەكەتتىڭ قاتارىنا كىرەدى، – دەدى ول.

قورىتا ايتقاندا، بريفينگكە قاتىسۋشىلار وتاندىق برەندتى جاساۋدا جانە ونى قولداۋدا مەملەكەت تاراپىنان قولدا بار مۇمكىندىكتىڭ جاسالاتىنىن اتاپ ءوتتى.