دوڭگەلەك ۇستەلگە ق ر ينۆەستيسيالار جانە دامۋ ءمينيسترىنىڭ كەڭەسشىسى تاڭىربەرگەن بەردىوڭعاروۆ، ق ر يدم تۋريزم يندۋسترياسى دەپارتامەنتىنىڭ ديرەكتورى مارات يگالييەۆ، استانا تۋريزم قاۋىمداستىعىنىڭ وكىلى ءومىرزاق يۋسۋپوۆ جانە ەلىمىزدەگى تۋريستىك سالانىڭ باسقا دا وكىلدەرى قاتىستى.

قاتىسۋشىلاردىڭ ايتۋىنشا، بۇگىنگى تاڭدا ءتۋريزمنىڭ ەلدىڭ ءجىو ۇلەسى شامامەن 0،9% قۇرايدى. مەملەكەتتىك قولداۋ سالانى تۇراقتى دامىتۋدا اسا قاجەتتى جاعداي بولىپ تابىلادى. تۋريستىك ينفراقۇرىلىمدى دامىتىپ، جەكە ينۆەستورلار تارتۋعا قولايلى جاعداي جاساۋ ءۇشىن، سونىمەن بىرگە، تۋريستىك يندۋستريا سۋبەكتىلەرى قىزمەتىن قولايلى ەكونوميكالىق جاعدايمەن قامتاماسىز ەتەتىن قۇقىقتىق-نورماتيۆتىك بازا قالىپتاستىرۋدا مەملەكەتتىك ساياساتتى بەلسەندى جۇرگىزۋ قاجەت، دەيدى جينالعاندار.

ق ر يدم تۋريزم يندۋسترياسى دەپارتامەنتىنىڭ مالىمەتتەرىنە سۇيەنسەك، ءقازىر ەلىمىزدە ىشكى ءتۋريزمنىڭ قارقىندى دامۋى بايقالۋدا. ءتۋريزمنىڭ نەگىزگى ۇلەسىن ىشكى تۋريستەر جانە حالىقارالىق ىسكەرلىك ساپارلار قۇراپ وتىر.

دۇنيەجۇزىلىك ەكونوميكالىق فورۋمنىڭ مالىمەتى بويىنشا، قازاقستان تۋريزم باسەكەلەستىگى رەيتينگىندە الەمنىڭ 140 ەلىنىڭ ىشىندە 85ء-شى ورىندا. مينيسترلىك جىل سايىن حالىقارالىق جانە ەكى قازاقستاندىق كورمەگە قاتىسىپ، ەلىمىزدىڭ تۋريستىك الەۋەتىن ناسيحاتتاۋدا.

ق ر يدم تۋريزم يندۋسترياسى دەپارتامەنتىنىڭ ديرەكتورى م.يگالييەۆ اتاپ وتكەندەي، 2017 جىلى الماتىدا 28ء-شى بۇكىلالەمدىك قىسقى ۋنيۆەرسيادا جانە «استانا-ەكسپو 2017» حالىقارالىق مامانداندىرىلعان كورمەسى سياقتى اۋقىمدى ءىس-شارالار وتكىزۋ جوسپارلانعان. اتالعان شارالاردىڭ ناتيجەسىندە الەمنىڭ قازاقستانعا دەگەن قىزىعۋشىلىعى ارتادى دەگەن ءۇمىت بار.

ەكسپو 2017 حالىقارالىق مامانداندىرىلعان كورمەسىنە تۋريستەر تارتۋ بويىنشا ءىس-شارالار جوسپارى بەكىتىلدى.

مينيسترلىك مەملەكەتتىك جانە جەرگىلىكتى ورگاندارمەن بىرلەسىپ، استاناعا جانە ەكسپو-2017-گە كەلەتىن نەگىزگى تۋريستىك باعىتتاردى انىقتاۋ بويىنشا جۇمىستار جۇرگىزدى. 73 باعىتتىڭ رەەسترى ازىرلەندى. قازىرگى ۋاقىتتا ايماقتار باعىتتاردى تانىستىرۋ جانە جارنامالىق-پوليگرافيالىق ونىمدەر شىعارۋمەن بەلسەندى اينالىسۋدا.

سونىمەن قاتار، استانا مەن باسقا قالالاردا كولىكتىڭ قولجەتىمدىلىگى قاراستىرىلۋدا. ەكسپو-2017 باستالعانعا دەيىن مۇمكىندىگى جىلىنا 7 ملن. جولاۋشىنى وتكىزۋگە قاۋقارلى استانا قالاسىنىڭ جاڭا اۋەجاي تەرمينالى سالىناتىن بولادى. سونىمەن بىرگە نەگىزگى تۋريستىك باعىتتاردى قامتاماسىز ەتۋ بويىنشا كەشەندى شارالار قاراستىرىلىپ وتىر (جول بويىنداعى ينفراقۇرىلىم، اۋديوگيدتەر، تۋريستىك نىساندارعا اپاراتىن جولداردى قايتا جاڭعىرتۋ).

سونداي-اق، قازاقستان تۇركيا رەسپۋبليكاسى، جۇڭگو حالىق رەسپۋبليكاسى، بىرىككەن اراب امىرلىگى مەن تايلاند كورولدىگى سياقتى ەلدەر ءۇشىن «تۋريستىك دونور» بولىپ تابىلادى. جۇڭگو تۋريستەرىنىڭ كەلۋىن ۇلعايتۋ ماقساتىندا وتكەن جىلدىڭ جەلتوقسان ايىندا مينيسترلىك «جۇڭگو تۋريستەرى ءۇشىن جەڭىلدەتىلگەن توپتىق ۆيزا تۋرالى» ADS مەموراندۋمىن بەكىتكەن بولاتىن (Approved Destination Status).

بيىل 21 قازاندا ق ر ۇكىمەتىنىڭ  «سىرتقا شىعۋ ءتۋريزمى سالاسىندا ازاماتتاردىڭ قۇقىعىنا كەپىلدىك بەرۋ جۇيەسىن ىسكە قوسۋ ەرەجەسىن بەكىتۋ تۋرالى» قاۋلىسى بەكىتىلگەن بولاتىن.

اتالمىش جۇيەدە كەلەسى ماسەلەلەردىڭ رەتتەلۋى قاراستىرىلعان: تۋروپەراتورلاردىڭ راستالعان قارجىلىق جاعدايلارى، شەت ەلدەردە قازاقستان تۋريستەرىنە شۇعىل جاعدايلاردا كومەك كورسەتە الۋ مۇمكىندىكتەرى، نارىق مونيتورينگى مەن قۇزىرەتتى ورگاندارعا اقپارات بەرۋ، تۋريستەر ءۇشىن سەنىم تەلەفونىن قوسۋ، تۋركومپانيالار مەن تۋريستەرگە كەڭەس بەرۋ.   

بانكتىك كەپىلدىگى سومالارىنىڭ مولشەرى كەلەسىدەگىدەي انىقتالدى. تۋروپەراتورلار ءۇشىن – 5 000 اەك نەمەسە 10 605 000 تەڭگە، اۋە كەمەسىن جالداۋشى-تۋروپەراتور ءۇشىن – 15 000 اەك نەمەسە 31 815 000 تەڭگە. قازاقستان رەسپۋبليكاسىنىڭ ازاماتىنا تۋراگەنت ارقىلى ساتىلاتىن ءاربىر تۋريستىك ونىمنەن اۋدارىلعان – 0،5 اەك نەمەسە 1 061 تەڭگە سوماسىندا بولادى. 

انىقتاما.

2016 جىلدىڭ قاڭتار-ماۋسىم ايلارىنىڭ قورىتىندىسى بويىنشا ىشكى تۋريستەر 5،8%-عا ارتتى نەمەسە 2،1 ملن. ادامدى قۇرادى. (2015 جىلدىڭ قاڭتار-جەلتوقسان ايلارىندا ىشكى تۋريستەر سانى 4،1 ملن. ادامدى قۇراعان)

2016 جىلدىڭ قاڭتار-ماۋسىم ايلارىندا كۋرورتتى ايماقتارعا 217،1 مىڭ ىشكى جانە 5 مىڭ سىرتتان كەلگەن تۋريست بارعان. (2015 جىلدىڭ قاڭتار-جەلتوقسان ايلارىندا كۋرورتتى ايماقتارعا 521 مىڭ ىشكى جانە 9 مىڭ سىرتتان كەلگەن تۋريست بارعان.)