موڭعولياداعى قانداستارىمىز اراسىنان شىققان تانىمال ساياساتكەر، دارىندى ەكونوميست تىلەيحان المالىك ۇلى موڭعوليا رەسپۋبليكاسى پرەمەر-مينيسترى ج.ەردەنەباتتىڭ جارلىعىمەن ەنەرگەتيكا كوميتەتىنىڭ ءتوراعاسى بولىپ تاعايىندالدى. بۇنداي قۋانىشتى جاڭالىقتى Baq.kz حابارلادى.
تىلەيحان المالىك ۇلى 1955 جىلى بايان-ولگيي ايماعىندا تۋىلعان. 1976 جىلى موڭعوليا مەملەكەتتىك ۋنيۆەرسيتەتىن وندىرىستىك جىلۋمەن قامتاماسىز ەتۋ ينجەنەرى ماماندىعى، 1989 جىلى ەكونوميكالىق كەشكى ۋنيۆەرسيتەت وندىرىستىك ەكونوميست بويىنشا ءتامامداعان. تىلەيحان المالىك ۇلى موڭعوليا پارلامەنتىنە ەكى رەت سايلانعان دەپۋتات.
2008-2012 جىلدارى موڭعوليا پارلامەنتىنىڭ الەۋمەتتىك ساياسات، ءبىلىم، مادەنيەت، عىلىم ماسەلەلەرى بويىنشا تۇراقتى كوميتەتىنىڭ باستىعى بولدى. 1991 جىلى حالىق ريەۆوليۋسيالىق 70 جىلدىق مەدالى، 1993 جىلى ەنەرگەتيكا سالاسىنىڭ وزات قىزمەتكەرى، 2001 جىلى حالىق ريەۆوليۋسياسىنىڭ 80 جىلدىق مەدالى، 2005 جىلى ەڭبەك قىزىل تۋ وردەنىمەن ماراپاتتالعان. 2014 جىلى موڭعوليانىڭ ونەركاسىپ سالاسىنىڭ قايراتكەرى اتاعىن العان.
ايتا كەتسەك، مونعولياداعى قانداستارىمىز اراسىنان جوعارى بيلىككە ارالاسقاندار كوپ.
بۇعان دەيىن دەپۋتات بولعان قازاقتار 1992 جىل - بولات ءاجىقان ۇلى، سۇلتان تاۋكەي ۇلى، ۆولوديا قامبار ۇلى 1996 جىل - ساندالحان رازداق ۇلى، بولات ءاجىقان ۇلى، سۇلتان تاۋكەي ۇلى 2000 جىل - ساندالحان رازداق ۇلى، جەكەي قاليدولدا ۇلى، نيگامەت ونعىش ۇلى 2004 جىل - مۇرات اۋكەتاي ۇلى، سايران قادىر ۇلى، باكەي اعىپار ۇلى 2008 جىل - تىلەيحان المالىك ۇلى، بادەلحان ءقابدىسلام ۇلى، جەكەي قاليدولدا ۇلى
