ايتىسكەر اقىن بالعىنبەك يماشيەۆ استانانىڭ اتىن وزگەرتۋگە قاتىستى ءوز پىكىرىن ءبىلدىرىپ، بۇل باستامانى قولدامايتىنىن ايتتى.
بۇل تۋرالى ول ءوزىنىڭ Instagram پاراقشاسىندا جاريالادى.
"ەلىمىزدىڭ كوشىن كەمەلدىكپەن، دانالىقپەن ىلگەرى باستاپ كەلە جاتقان ەلباسىمىزعا قاي شاھاردىڭ اتىن بەرسەك تە جاراسادى. ءبىراق، ءوز باسىم قالاعا ادامنىڭ اتىن بەرۋدى قۇپتامايمىن. اسىرەسە، كوزى تىرىسىندە. تاريxتا قانشاما ۇلىق تۇلعالار كەرىسىنشە تۋعان قالاسىنىڭ اتىن العان (فارابي، تارازي، بۇxاري، باسري ت.ب). كەڭەستىك كەزەڭدە اۋليەاتا قالاسىنىڭ اتاۋىن جامبىلعا وزگەرتكەندە، جارىقتىق جامبىل جاكەم قاتتى قاپا بولعان ەكەن. ەلدى-مەكەننىڭ اتىن وزگەرتۋگە قىرۋار قارجى كەتەتىنى بەلگىلى. داعدارىسپەن جاعالاسىپ، EXPO-مەن قاباتتاسىپ جول ورتادا اتىمىزدى، قونالقادا اتاۋىمىزدى وزگەرتەيىك دەگەنىمىز قاي ساسقانىمىز؟ بۇل ماسەلەنى كوتەرە بەرۋ جاعىمپازدىقتان گورى قاستاندىققا كوبىرەك ۇقسايدى. ناردىڭ جۇگىن ارقالاعان نۇرسۇلتان اعامىزعا قارتايعان شاعىندا جانى اشىپ، ابىرويىن قورعايتىن ادام قالماعان با دەپ قالاسىڭ. تاۋەلسىزدىكتىڭ 25 جىلدىعىنا مىندەتتى تۇردە ءبىر قالاعا ەلباسىنىڭ اتىن بەرۋ كەرەك بولسا، وندا پەتروپاۆلعا نە پاۆلودارعا بەرسىن. سەبەبى، سول قالانىڭ اتىن وزگەرتۋگە 25 جىل بويى شامامىز كەلمەي، سوندا قونىستانعان قالىڭ ورىستاردان (بالكي، كورشى رەسەيدەن) يمەنىپ كەلەمىز عوي. ەگەر ەكى قالانىڭ بىرىنە ەلباسىنىڭ اتىن بەرسەك، ونداعىلار "قىڭق" ەتە قالماي قالادى. ەلباسىنىڭ ابىرويىن ەل الدىندا تۇسىرە بەرگەنشە، ۇلت كوسەمىنىڭ ابىروي-بەدەلىن ۇلتتىڭ رۋxىن كوتەرۋگە، مەملەكەتتىڭ ماڭىزدى ماسەلەلەرىن شەشۋگە جۇمسامايمىز با؟"، - دەپ جازدى بالعىنبەك يماشيەۆ.
ايتا كەتسەك، استاناعا نازاربايەۆتىڭ اتىن بەرۋ تۋرالى دەپۋتات قۋانىش سۇلتانوۆ جاساعان ۇسىنىس كوپشىلىك اراسىندا قىزۋ تالقىلانۋدى. بەكبولات تىلەۋحان باستاعان ءماجىلىس دەپۋتاتتارى بۇل ۇسىنىستى قولداپ وتىر. ەلباسىنىڭ ءوزى دە وسىعان قاتىستى پىكىرىن ايتقان بولاتىن.
