ءيزرايلدىڭ 13 پارىقتى ايماعىندا شىققان ءورتتىڭ ارتىنان يزرايل پرەمەرى بينيامين نەتانياحۋ ورتپەن كۇرەسۋ ءۇشىن رەسەي، گرەكيا، تۇركيا، حورۆاتيا ەلدەرىنەن كومەك سۇراپ، پرەمەرلەرىمەن كورىسكەن.

سەيسەنبى كۇنى ءيزرايلدىڭ ءتۇرلى ايماقتارىندا باستالعان ورتكە كومەك سۇرالعان ەلدەردەن 10 ءورت ءسوندىرۋشى ۇشاق كەلىپ جەتتى. ونىڭ ىشىندە رەسەي 2 ءورت ءسوندىرۋشى ۇشاعىن كومەككە جىبەرگەن.  ءورت سالدارىنان ون مىڭداعان ادام ءقاۋىپسىز جەرگە كوشىرىلىپ، زارداپ شەككەندەرگە كومەكتەسۋگە 36 اۋرۋحانا جۇمىس ىستەپ تۇر.

ءيزرايلدىڭ قۇدىستى قوسقاندا 13 نۇكتەسىنەن شىققان ءورت جەلدىڭ ىقپالىمەن جايىلا تۇسكەن. ءتىپتى قۇدىس پەن تەل-اۆيۆتى بايلانىستىراتىن 1 ءنومىرلى تراسسا ماڭىندا جارىلىس بولعان.  ازىرگە ءورتتىڭ سەبەپتەرى بەلگىسىز. بۇعان دەيىن يزرايلدە 2 اي قۇرعاقشىلىق بولعان. دەگەنمەن يزرايل پوليسياسى ءورتتىڭ ادەيى قويىلۋىنان كۇدىكتەنەدى. بۇل كۇدىكتى پرەمەر بينيامين نەتانياحۋ دا ءوز سوزىندە كەلتىرىپ، «ءورت ادەيى قويىلسا بىزگە جاسالعان تەررورلىق قيمىل بولىپ تابىلادى» دەپ مالىمدەگەن.

ءبىلىم ءمينيسترى، ەلدەگى وڭشىلدار پارتياسىنان نافتالي بەننەت بولسا ءورتتىڭ سەبەبىن ارابتاردان كورەدى. ول تۆيتتەردە جازعان مالىمدەمەسىندە «بۇل مەملەكەتتى ورتەيتىن كۇشى بارلار بۇل مەملەكەتكە تيەسىلى ەمەس ادامدار» دەپ جازعان.

قازىرگە دەيىن  4 پالەستينالىق كۇدىكتى رەتىندە تۇتقىندالعان.