الماتى قالالىق اكىمدىگىنىڭ ۇيىمداستىرۋىمەن 25 قاراشا كۇنى "عىلىم ورداسى" كىتاپحاناسىنىڭ كونفەرەنس زالىندا الاش ارداگەرى، مەملەكەت جانە قوعام قايراتكەرى ءاليحان بوكەيحانوۆتىڭ 150 جىلدىعىنا ارنالعان "الاشتىڭ ءاليحانى" اتتى رەسپۋبليكالىق عىلىمي-تاجىريبەلىك كونفەرەنسيا ءوتتى. عىلىمي كونفەرەنسيادا مامبەت قويگەلدييەۆ، ءۋاليحان قاليجان، ايگۇل ءىسماقوۆا، نۇرلان اتىعايەۆ، حانگەلدى ءابجان، زاۋرەش ساقتاعانوۆا، گۇلبانۋ جۇگەنبايەۆا، ت.ب. بەلگىلى عالىمدار بايانداما جاسادى.    

سونداي-اق، الاش ارىسى ءاليحان بوكەيحاننىڭ 150 جىلدىعىنا ارنالعان كەش ءوتتى.

    24 قاراشا كۇنى م.اۋەزوۆ اتىنداعى قازاق اكادەميالىق دراما تەاترىندا الاش ارداگەرى، مەملەكەت جانە قوعام قايراتكەرى ءاليحان بوكەيحانوۆتىڭ 150 جىلدىعىنا ارنالعان "الاشتىڭ ءاليحانى" اتتى سالتاناتتى كەش ءوتتى. يۋنەسكو جىلدىڭ ەڭ مىقتى قايراتكەرى دەپ تانىعان ۇلى تۇلعانىڭ كەشىندە الماتى قالاسىنىڭ اكىمى باۋىرجان بايبەك، تاريح عىلىمدارىنىڭ دوكتورى، پروفەسسور، الاشتانۋشى- عالىم مامبەت قويگەلدييەۆ ءسوز سويلەدى. كەش بارىسىندا الاش ارداگەرىنىڭ ءومىرى مەن مەملەكەتتىك قىزمەتى تۋرالى دەرەكتى بەينەفيلم كورسەتىلىپ، قازاقستاننىڭ ەڭبەك سىڭىرگەن قايراتكەرلەرى رامازان ستامعازييەۆ، گۇلزات داۋىربايەۆا، ەركىن شۇكىمانوۆ، ءاليحاننىڭ تۋعان وڭىرىنەن 150 جىلدىق مەرەيتويعا ارنايى كەلگەن داۋرەنبەك اركەنوۆ، بەلگىلى ءانشى فارحاد كۋبەيەۆ، ت.ب. ونەر شەبەرلەرى قاتىستى. كونسەرت بارىسىندا "وتىرار سازى" مەملەكەتتىك اكادەميالىق ەتنگرافيالىق-فولكلورلىق وركەسترى قۇرمانعازى، تاتتىمبەت. نۇرعيسا تىلەندييەۆتىڭ كۇيلەرىن ورىندادى. ع.مۇسىرەپوۆ اتىنداعى جاستار مەن جاسوسپىرىمدەر تەاترىنىڭ اكتەرلەرى ءاليحان بوكەيحانوۆتىڭ ومىرىنە قاتىستى قويىلىم جاسادى. مازمۇندى، ماعىنالى وتكەن مۋزىكالىق-پوەتيكالىق كەشتى الماتى قالاسىنىڭ اكىمدىگى ۇيىمداستىردى.