جوعارى لاۋازىمدى  مەملەكەتتىك شەنەۋنىكتەردىڭ جابىق كەزدەسۋىندە ۋكراينا پرەزيدەنتى پەتر پوروشەنكو پرەزيدەنت قىزمەتىنەن كەتەتىنىن مالىمدەدى. مۇنى جوعارعى رادانىڭ  ەكس دەپۋتاتى، پارلامەنت سپيكەرى ولەگ ساروۆ مالىمدەدى دەپ حابارايدى www.nur.kz.

كەزدەسۋدە ۋكراينانىڭ ءىىم باسشىسى ارسەن اۆاكوۆ، باس پروكۋرور يۋريي لۋسەنكو جانە قاۋىپسىزدىك كەڭەسىنىڭ حاتشىسى الەكساندر تۋرچينوۆ بولدى. وندا قازىرگى ۋكراينانىڭ جاعدايى تالقىلانعان. ءوز بلوگىندا ولەگ ساروۆ ۋكراينانىڭ جاعدايى تىم مۇشكىل دەگەن توقتامعا كەلگەنىن جازادى. جاقىن ارادا جاعدايدى تۇزەتۋگە ەش مۇمكىندىك كورمەگەن جانە ناشارلاي بەرەدى دەپ بولجاعان. سوندىقتان پەتر پوروشەنكوعا ەلدەگى جاعدايدى جاقسارتا الماسا، قىزمەتىنەن كەتۋ تۋرالى قاتاڭ تالاپ قويعان. وعان ۋكراينا پرەزيدەنتى «ءتارتىپتى وزدەرىڭ ورناتىڭدار» دەپ جاۋاپ بەرگەن. ساريەۆتىڭ ايتۋىنشا بۇل ونىڭ بيلىكتەن كەتكەنىن بىلدىرەدى. پەتر پوروشەنكو «دەنساۋلىعىم ناشارلادى» دەگەن سەبەپپەن قىزمەتتەن كەتەدى. ونىڭ سوزىنشە، ءىىم -  پوليسيا مەن ۇلتتىق گۆارديانىڭ كومەگىمەن جوعارى رادانى باسىپ الىپ، دەپۋتاتتاردى پوروشەنكوعا يمپيچمەنت جاريالاۋىنا ماجبۇرلەيدى