سيريا ارمياسى كوتەرىلىسشىلەر يەلىگىندە بولعان الەپپو قالاسىنىڭ ءبىراز بولىگىن قايتارىپ العاندىقتارى جايلى حابارلادى. بۇگىن قالانىڭ ورتالىق ايماعى ەسكى شاھار ۇكىمەت اسكەرىنىڭ قولىنا كوشكەن. سيرياداعى جاعداي مەن ادام قۇقىعىن باقىلاۋ ورگاندارىنىڭ دەرەگىنشە، قالادا بۇگىن ءتۇنى بويى اتىس بولعان. ءقازىر ۇكىمەت اسكەرى شىعىس الەپپونىڭ ۇشتەن ەكى بولىگىن قايتارىپ العان. قالانىڭ ورتالىعىن ءتورت جىلدان بەرى باسىپ وتىرعان كوتەرىلىسشىلەرگە قاراعان اۋماقتا ون مىڭداعان بەيبىت حالىق قالعان. قالادا ازىق-تۇلىك تاپشى بولىپ، اۋراحانالار جابىق تۇر. ميريا پرەزيدەنتى  باشار ءال-اسادقا قاراستى ۇكىمەت اسكەرى ەلدەگى ەكىنشى ءىرى قالا الەپپونى قايتارىپ الۋ ءۇشىن  ارنايى جاساقتار مەن رەسەي اسكەرىنىڭ كومەگىنە جۇگىنگەن. ءبىراق رەسەي الەپپونى بومبالاپ جاپاعانىن ايتادى.

«باشار اساد سوعىستا جەڭىسكە جەتتى». ءدال وسى تەزيس 2016 جىلدىڭ 28 قاراشاسىنان باستاپ الەپپو قالاسىنىڭ سولتۇستىك-شىعىس ايماعى ۇكىمەت قاراماعىنا وتكەننەن سوڭ بارلىق باق-تا كەڭىنەن تالقىلاندى. الەپپونى تازارتۋ، ءارى قاراي يدليب ايماعىنا قاراي اسكەرلەردى باعىتتاۋ ءۇشىن  ۇكىمەت تاراپىنان ۇلكەن دايىندىقتى قاجەت ەتەدى. 

قامشىگەر: نازەركە لابيحان