rus.azattyq.org سايتىندا «بۇۇ ارنايى بايانداماشىسى فرانسيادان ءابىلازوۆتىڭ ەكستراديسيالانباۋىن سۇرادى» دەگەن ماتەريال جارىق كورگەن بولاتىن. «قامشى» پورتالى ماتەريالدى قازاقشاعا اۋدارىپ، وقىرمان نازارىنا ۇسىنادى.

بۇۇ-نىڭ ادامعا زابىرلىك كورسەتۋ، قاناۋ ماسەلەسى بويىنشا ارنايى بايانداماشىسى نيلس مەلسەر فرانسيا بيلىگىن قازاقستاندىق ەكس بانكير، وپپوزيسيونەر مۇحتار ءابىلازوۆتى ەكستراديسياعا بەرمەۋگە ۇندەدى (ەكستراديسيا (فر. extradءىtءىon – بەرۋ، تابىستاۋ) – مەملەكەتتىڭ ءوز اۋماعىنداعى قىلمىسكەردى قىلمىستىق جاۋاپتىلىققا تارتۋ ماقساتىمەن نەمەسە سول ادامعا قاتىستى شىعارىلعان شەتەل سوتىنىڭ ۇكىمىن ورىنداۋ ءۇشىن ونى باسقا مەملەكەتكە بەرۋى-اۆت.). 7 جەلتوقسان كۇنى مەلسەر بايانداماسىندا ازاپ-قورلىق كورۋى مۇمكىن دەگەن مەملەكەتكە ادامدى بەرمەۋىمىز كەرەك دەدى.

بتا بانكىنىڭ بۇرىنعى باسشىسى مۇحتار ءابىلازوۆ فرانسيادا قاماۋدا وتىرعانىنا ءۇش جىل بولدى. رەسەي مەنەن ۋكراينا ەكونوميكالىق قىلمىس بويىنشا ءابىلىزوۆتى ەكستراديسيالاماقشى. نيلس مەلسەردىڭ مالىمەتىنە سايكەس فرانسيانىڭ مەملەكەتتىك كەڭەسى ءابىلازوۆتىڭ ەكستراديسياسى بويىنشا شەشىمدى بۇگىن قابىلدايدى. بۇۇ بايانداماشىسىنىڭ ويىنشا ءابىلازوۆ ساياسي ومىرگە بەلسەنە ارالاسقاندىقتان، بيلىككە جاقپاي قالعاندىقتان تۋعان جەرىندە قۋعىنعا ۇشىراپ وتىر. قازاقستاندىق تۇرمەگە توعىتىلماس بۇرىن وعان قاتىگەزدىك قارىم-قاتىناس جاسالعان دەيدى نيلس مەلسەر.

نيلس مەلسەر: «فرانسيانىڭ مەملەكەتتىك كەڭەس ەكستراديسيا بويىنشا وڭ شەشىمدى قابىلداسا ءابىلازوۆ بىرنەشە كۇن، ءتىپتى بىرنەشە ساعات ىشىندە رەسەيگە ەكستراديسيالانۋى مۇمكىن. سودان كەيىن رەسەي ءوز كەزەگىندە ءابىلازوۆتى قازاقستانعا تاپسىرۋى، قازاقستاندا ول قايتادان ازاپقا تارتىلۋى عاجاپ ەمەس».

بتا بانكىنىڭ بۇرىنعى باسشىسى 2013 جىلدىڭ جازىندا فرانسيانىڭ وڭتۇستىگىندە قولعا ءتۇسىپ، تەمىر تورعا وتىرعىزىلعان بولاتىن. ونى قازاقستاندا، ۋكراينادا، رەسەيدە ۇلكەن ماسشتابتا ۇرلىق جاسادى دەگەن ايىپ تاعىلىپ وتىر. ءابىلازوۆ بولسا كىنانى مويىنداماستان تاعىلعان ايىپتان ساياسي استار ىزدەدى.