allfight.ru سايتىندا «سەرگەي زاۆيلەيسكيي: «Game of thrones» تەلەحيكاياسىنداعى رولگە فيرۋزا شاريپوۆا قاراستىرىلادى» دەگەن مالىمەت پايدا بولدى. «قامشى» پورتالى اتالمىش تەلەحيكاياسىنىڭ تانىمالدىعىن ەسكەرە وتىرىپ ماتەريالدى قازاق تىلىنە اۋدارىپ، وقىرمان نازارىنا ۇسىنۋدى ءجون كوردى.

قازاقستاندىق كاسىپقوي بوكسشى فيرۋزا شاريپوۆا تانىمال تەلەحيكايا «Game of thrones»-كە ءتۇسۋى مۇمكىن. بۇل جايلى ايەلدەر بوكسىنىڭ دۇنيەجۇزىندەگى العاشقى پروموۋتەرلىك كومپانياسىنىڭ باس ديرەكتورى، قازاقستاندىق بوكسشىنىڭ مەنەدجەرى سەرگەي زاۆيلەيسكيي حابارلادى.

«ماعان گولليۆۋدتان قوڭىراۋ شالىپ، فيرۋزامەن بەلگىلى ءبىر فورماتتا ۆيدەو جازۋدى ۇسىندى. بەينەروليكتى «Game of thrones» رەجيسسەرلەرى كورىپ شىعىپ، ءوز شەشىمدەرىن ايتپاق. تەليەۆيزيالىق پروديۋسەرلەر قازاق بوكسشىسىنا قىزىعۋشىلىق تانىتىپ جاتقاندارىنا ءبىز قۋانىشتىمىز. سۇراعان ۆيدەولارىن مىندەتتى تۇردە جىبەرەمىز دە وڭ جاۋاپ كۇتەمىز. سولتۇستىك يرلانديادا ءتۇسىرىلىپ جاتقان اتىشۋلى تەلەحيكايانىڭ 7 سەزونىندا فيرۋزا بوي كورسەتەدى دەگەن ۇمىتتەمىز دەيدى سەرگەي زاۆيلەيسكيي.

فيرۋزا شاريپوۆا vesti.kz سايتىنا بەرگەن سۇحباتىندا " بۇل تەلەحيكاياعا تۇسكىم كەلەدى. كەرەك بولسا بوكستاساتىن ۋاقىتتاردى وزگەرتەمىن. سەبەبى قاتتى قىزىعۋشىلىق تانىتىپ وتىرمىن. ءوز باسىم دەيەنەريستىڭ جەكە كۇزەتشىسى بولعىم-اق كەلەدى. ءبىراق ونى شەشەتىن مەن ەمەس، ارينە» دەدى.

ەستەرىڭىزگە سالا كەتەيىك، تانىمال بوكسشى قىز فيرۋزا شاريپوۆا ءوزىن جاقىندا عانا تەلەجۇرگىزۋشىلىك قىرىنان تانىتتى. سودان سوڭ وعان بىردەن  ەكى فيلمگە تۇسۋگە ۇسىنىس كەلىپ ءتۇستى.  
 

اۋدارعان: جازيرا بايدالى