وزبەكستاننىڭ تۇڭعىش پرەزيدەنتى يسلام كارىموۆكە ەسكەرتكىش رەسەي استاناسىندا سونىڭ ەسىمىمەن اتالعان ساياباققا ورناتىلادى. ماسكەۋ قالالىق دۋماسىنىڭ تاسقا سالىنعان سۋرەت ونەرى جونىندەگى كوميسسياسىنىڭ جينالىسىندا وسىنداي شەشىم قابىلداندى، دەپ حابارلادى جەرگىلىكتى ب ا ق.
ماسكەۋ قالاسىنداعى ياكيمانعا اۋدانىندا ورنالاسقان ساياباققا يسلام كارىموۆتىڭ ەسىمى بيىل قازاندا بەرىلدى. وسىنداي شەشىمدى رەسەيلىك استانا مەرى سەرگەي سوبيانين ماسكەۋ ۇكىمەتىنىڭ وتىرىسىندا قابىلدادى
ساياباق وزبەكستان قوناق ءۇيى مەن كونسۋلدىق بولىمىنە جاقىن ماڭدا ورنالاسقان.
"ەسكەرتكىش ورناتۋ تۋرالى شەشىم ءبىراۋىزدان قابىلداندى"، - دەدى كوميسسيا ءتوراعاسى يگور ۆوزنەسەنسكيي.
وزبەكستاننىڭ العاشقى پرەزيدەنتى يسلام كارىموۆ بيىل 2 قىركۇيەكتە 78 جاسىندا ميىنا قان قۇيىلۋ سالدارىنان قايتىس بولدى. ول ءوزىنىڭ تۋعان قالاسى - سامارقاندا جەرلەندى.
پىكىر قالدىرۋ