جاقىندا تانىستارىمنىڭ قانشاسى باسقا ەلدە ءۇي العانىن ساناپ كوردىم. 30-دان اسا وتباسى رەسەي، ەۋروپا مەن امەريكاعا كوشكەن ەكەن. جۋىردا ءبىر وتباسىن بەلورۋسسياعا شىعارىپ سالدىم.

ادامدار قازاقستاننان نەگە قاشادى؟ ويتكەنى حالىق ەركىن قارجىلىق جاعدايىندا ءومىر سۇرگىسى كەلەدى. باسقا سەبەپ كورىپ وتىرعان جوقپىن.

قازاقستانداعى ەڭ كەدەي ايماق – سولتۇستىك قازاقستان وبلىسى. "ۆكونتاكتە" الەۋمەتتىك جەلىسىنە كىرىپ، جاي عانا «پەتروپاۆلوۆسك جۇمىس» دەپ تەرىپ كوردىم. شىققان ناتيجەسىن كورگەندە ءوز كوزىمە ءوزىم سەنبەدىم. كوز الدارىڭىزعا ەلەستەتىپ كورىڭىزدەرشى، الماتىداعى كوشە سىپىرۋشىنىڭ جالاقىسى ەسەپشى كومەكشىسىنىڭ ايلىعىنان كوپ. «12 ساعاتتىق جۇمىسقا 2000 تەڭگەگە جۇمىس ىستەيتىن دايارشى قاجەت» دەگەن حابارلامالاردى كوردىم. ستاتيستيكا بويىنشا ورتاشا جالاقى –  143 650 تەڭگە. شىن مانىسىندە 50 مىڭ تەڭگەگە ارەڭ جەتەدى. ادامدار ۋنيۆەرسيتەتتەردى ءتامامداپ، جوعارى بىلىمىمەن 45  مىڭ تەڭگە جالاقىعا جۇمىس ىستەيدى.

قازاقستاندىقتاردىڭ قارجىلىق الەۋەتى قيىن. ەكىنشى، باسپانا ماسەلەسى. تانىستارىمنىڭ تەڭ جارتىسى جالدامالى پاتەردە تۇرادى. پاتەر اقىسى وتە قىمبات. بالاسى بار وتباسىلارعا يپوتەكا الۋ قيىن.

ادامدار ەۋروپاداعى نەمەسە تەڭىزدىڭ ارعى جاعىنداعى ءومىردى كورگەننەن كەيىن تۋعان جەرگە ورالۋعا اسىقپايدى. سەبەبى، ءدال سونداي كۇش جۇمساپ جاقسى جەتىستىكتەرگە جەتۋگە بولاتىنىن تۇسىنەدى.

جازبا سەرىك ەسىمدى بلوگەردىڭ yvision.kz سايتىنداعى جەكە بلوگىنان الىندى.