شىمكەنتتەگى كىلەم توقيتىن كاسىپورىن ءوندىرىس قۋاتتىلىعىن كەلەسى جىلى 10 ميلليون شارشى مەترگە دەيىن ۇلعايتپاق دەپ حابارلايدى 24.kz 

2013 جىلى «يندۋستريالاندىرۋ كارتاسى» باعدارلاماسى اياسىندا ىسكە قوسىلعان فابريكا بۇگىندە ەلىمىزدەگى ەڭ ءىرى ءوندىرىس ورىندارىنىڭ ساپىنا كوتەرىلدى. كاسىپورىن كىلەم توقۋمەن قاتار پوليپروپيلەن جىپتەرىن يىرۋمەن دە اينالىسادى. «قازاقستاندا جاسالعان» دەگەن بەلگىمەن شىعاتىن ءونىمنىڭ بۇگىندە 30 پايىزى تمد ەلدەرىمەن قاتار ەۋروپاعا ەكسپورتتالادى. زاۋىتتاعىلار 2017 جىلى بۇل كورسەتكىشتى 70 پايىزعا دەيىن كوتەرۋدى كوزدەپ وتىر. وسىلايشا تەكستيل سالاسىن دامىتپاق. يندۋستريالاندىرۋ كۇنى از عانا ۋاقىتتىڭ ىشىندە وڭتۇستىكتىڭ برەندىنە اينالىپ ۇلگەرگەن كىلەم زاۋىتىنداعى ۇزدىكتەر ماراپاتتادى.

باۋىرجان ەرگەشباي ۇلى، كاسىپورىن قىزمەتكەرى: - وڭدەۋ ونەركاسىبىنىڭ دامۋى ەلدىڭ ەكونوميكاسىنىڭ جارقىن كورىنىسىنىڭ كورسەتكىشى بولىپ تابىلادى. ءبىزدىڭ كاسىپورىننىڭ ىسكە قوسىلۋى ەلىمىزدە جۇرگىزىلىپ جاتقان يندۋستريالاندىرۋ باعىتى اياسىندا جاستار وزدەرىنىڭ كاسىبي بىلىكتىلىگىن ارتتىرىپ، جاقسى جۇمىس اتقارىپ ءجۇر.

داستان قارجاۋ ۇلى، كاسىپورىن قىزمەتكەرى: - جەڭىل ونەركاسىپ سالاسى بويىنشا مەملەكەتتىك گرانتتى جەڭىپ الىپ، سول بويىنشا جوعارى وقۋ ورنىن بىتىرگەن ازماتپىن. ءوزىمنىڭ جەڭىل ونەركاسىپتى دامىتامىن دەگەن ماقساتىم بولدى. سونىڭ ارقاسىندا وسى زاۋىتقا كەلىپ، ءوتىنىش ءبىلدىرىپ، جۇمىسقا ورنالاستىم. بىزدە جۇمىس اۋقىمى كوپ. الداعى ۋاقىتتا جاڭا ستانوكتار كەلەدى دەپ جاتىر. جاڭادان سەحتار قوسىلادى دەپ جاتىر. ءبىز الداعى ۋاقىتتا داميتىنىمىزعا سەنەمىز.