پاۆلودار وبلىسىندا 8 اۆتوكولىك سوقتىعىسىپ قالدى دەپ حابارلايدى news.mail.ru.

پاۆلودار-ومسك تاس جولىندا، قىزىلتاڭ اۋىلىنا جاقىن ماڭدا  ءىرى جول كولىك اپاتى بولدى. اقپاراتقا سايكەس، جول اپاتى - قولايسىز اۋا-رايى مەن جانارماي تاسىمالدايتىن كولىكتىڭ جولدا تۇرىپ قالۋىنان بولعان. وعان ءۇش جۇك كولىگى، ەكى گازەل جانە ءۇش جەڭىل كولىك سوقتىعىسقان.   

جول كولىك اپاتىندا 28 بەن 33 جاستاعى ەكى ەر ادام پاۆلوداردىڭ اۋرۋحاناسىنا جەتكىزىلدى. وبلىستىق دەنساۋلىق ساقتاۋ باسقارماسىندا، ەكى ەر ازاماتتىڭ ءبىرى جان ساقتاۋ بولىمىندە جاتىر. دارىگەرلەر ءحالى مۇشكىل ەكەنىن ايتادى. ەكىنشىسى تراۆماتولوگيا بولىمىنە جەتكىزىلدى.  

ايماقتىق توتەنشا جاعدايلار دەپارتامەنتىنىڭ بەرگەن اقپاراتىنا سايكەس، وقيعا ورنىندا 16 كولىكتەن تۇراتىن كەپتەلىس بولعان. كۋاگەرلەردىڭ ايتۋىنشا، كەپتەلىسكە ەكى قوعامدىق كولىك تۇرىپ قالعان. قازىرگى تاڭدا اپات ورنى تازارتىلدى.

پاۆلودار تۇرعىندارىنا  داۋىلدى اۋا-رايى تۋرالى ەسكەرتىلدى. «قازگيدرومەتتىڭ»  حابارلاۋىنشا، 11 مەن 13 جەلتوقسان ارالىعىندا جاۋىن-شاشىن، جەل، كوكتايعاق بولادى دەپ كۇتىلۋدە.