تۇركيا پرەزيدەنتى رەدجەپ تاييپ ەردوعان تەراكتىنى ۇيىمداستىرۋشىلاردى ايىپتاپ، ادامداردىڭ قايتىس بولعانىن راستادى دەپ حابارلايدى tengrinews.kz.

 «Anadolu» اگەنتتىگىنىڭ مالىمەتىنشە، تەرروريستىك شابۋىل قاۋىپسىزدىك قىزمەتكەرلەرى مەن بەيبىت تۇرعىندارعا قارسى جاسالدى. تۇركيا پرەزيدەنتى، لاڭكەستى ۇيىمداستىرۋشىلاردىڭ باستى ماقساتى - ماكسيمالدى تۇردە شىعىن كەلتىرۋ ەكەنىنە سەنىمدى.

تۇركيا پرەزيدەنتى رەدجەپ تاييپ ەردوعان: «وسى تۇندە ءبىز تەراكتىنىڭ كۋاسى بولدىق. تەررورلىق ارەكەتتەرىن «بەشيكتاش»-«بۋرساسپور» ماچىنان كەيىن جاساعانى، ادامداردى كوپتەپ ءولتىرۋ ءۇشىن ەكەنى انىق. وكىنىشكە وراي، قايتىس بولعاندار مەن جارالانعاندار بار». 

تۇركيا ەلى لاڭكەستىكپەن كۇرەستى توقتاتپايتىنىن دا ايتتى. بۇل ىسكە كىنالىلەر قاتاڭ تۇردە  جازالانادى دەپ جالعاستىردى.

«بەشيكتاش"-«بۋرساسپور» ماچىنان كەيىن، ىستامبۇلدىڭ ورتالىعىندا ورنالاسقان فۋتبول ستاديونىندا ەكى مارتە جارىلىس بولعانىن ەسكە سالامىز.