قازاق ايتىسىنىڭ قارا نارى، اقىن، قوعام قايراتكەرى ءجۇرسىن ەرمان اۋرۋحانا ءتۇستى. بۇل تۋرالى اقىننىڭ ءوزى Facebook-تەگى جەكە پاراقشاسىندا جازدى، دەپ حابارلايدى ۆaq.kz.

«اۋرۋxانادا جاتىرمىن. بىتەلىپ قالعان قان تامىرلارىما وتا جاساماقشى. وسىدان امان شىقسام، ءبىر جوسپارىم بار:
التىن دومبىرا تۋرالى ءارتۇرلى اڭگىمە ايتىلدى عوي. انىعى اللاعا ايان. بولاتبەك پەن مۇxتاردىڭ اراسىندا ۋاقىتى شەكتەۋسىز جەكپە-جەك ايتىس وتكىزگىم كەلەدى. تىكەلەي ەفيردە»، - دەپ جازدى ج.ەرمان.

«كورسەتىلىمدى قاي تەلەارنا موينىنا الا الادى؟ دەمەۋشى بولعىسى كەلەتىندەر بار ما؟ تورەلىكتى xالىق جاساسا قايتەر ەدى؟ قانداي جولمەن؟ اقىل قوسىڭدار. پىكىر ايتىڭدار. سىرتتان سىناي بەرۋ وڭاي عوي. ىشىندە بولىڭدار. ۇلت ونەرىنە شىن جاناشىر بولساڭدار، سوڭىنان جۇدىرىق بىلەپ اركىمدى عايباتتاعانشا، ءقازىر كومەككە كەلىڭدەر.

جوبانى جۇزەگە اسىرۋ ءۇشىن مەن ءولىپ قالماۋىم كەرەك، دۇعالارىڭا قوسا جۇرىڭىزدەرشى»، - دەپ تۇيىندەدى ول.

ەستەرىڭىزگە سالا كەتەيىك، الماتىدا ەل تاۋەلسىزدىگىنىڭ 25 جىلدىعىنا ارنالعان «التىن دومبىرا-2016» رەسپۋبليكالىق اقىندار ايتىسىندا سىر ءوڭىرىنىڭ اقىنى مۇحتار نيازوۆ ەكىنشى رەت جەڭىمپاز اتاندى.