ىستامبۇلداعى Vodafone Arena ماڭىنداعى قوس جويقىن جارىلىستان قازا تاپقاندار سانى ارتتى دەپ حابارلايدى baq.kz.

ىستامبۇلداعى جارىلىستاردان قازا تاپقاندار سانى 38 ادامعا جەتتى

تۇركيادا ەكى بىردەي جارىلىستان كەيىن ۇلتتىق ازا تۇتۋ كۇنى جاريالاندى. وسىعان بايلانىستى ەلدەگى بارلىق مەملەكەتتىك مەكەمەلەردەگى تۋلار تومەن تۇسىرىلگەن.

ەستەرىڭىزگە سالا كەتەيىك، جارىلىستار «ۆودافون ارەنا» ستاديونىندا بولعان ەدى. سوڭعى مالىمەت بويىنشا، لاڭكەستىك ارەكەتتەن قازا تاپقاندار سانى 38 ادامعا جەتتى. جۇزدەن استامى جارالاندى. قۇربانداردىڭ كوبى پوليسيا قىزمەتكەرى.

بيلىك 13 كۇدىكتىنى قاماۋعا العان. پرەزيدەنت رەجەپ تايىپ ەردوعان مارقۇم بولعانداردىڭ وتباسىلارىنا كوڭىل ايتىپ، «تۇركيا ەكسترەميستىك ۇيىمدارمەن كۇرەستى جالعاستىرا بەرەدى» دەپ مالىمدەدى.

الدىن الا مالىمەت بويىنشا، زارداپ شەككەندەر اراسىندا قازاقستان ازاماتتارى جوق.