وتكەن دەمالىس كۇندەرى الماتىداعى ءىرى كاسىپتەردىڭ ءبىرىن جۇرگىزىپ وتىرعان قىتايلىق لين ۆەيسزيگە بەلگىسىز بىرەۋلەر قاستاندىق جاساپ، ولتىرمەكشى بولعان. بۇل جايىندا caravan.kz سايتىندا جاريالانعان بولاتىن. ماقالانىڭ قازاقشا نۇسقاسىن قامشى پورتالى وقىرمان نازارىنا ۇسىنادى.

بۇل جايىندا لين ۆەيسزي مىرزا باسشىلىق ەتىپ وتىرعان «ماولين» كومپانياسىنىڭ باسپا ءسوز قىزمەتكەرلەرى مالىمدەگەن بولاتىن.

10 جەلتوقسان كۇنى تۇنگى 1:40 شاماسىندا بەتتەرىن تۇمشالار العان بەلگىسىز ءۇش كىسى فابريكانىڭ شاتىرىمەن كومپانيانىڭ جاتاقحاناسىنا باسا كوكتەپ كىرگەن. جۇرگىزۋشىنى ۇرىپ-سوعىپ، بايلاپ، مەكەمەنىڭ ءبىرىنشى قاباتىنا تۇسپەك بولعان.

كومپانيا ديرەكتورى لين ۆەيسزي دىبىستاردى ەستىپ قالىپ، ەكىنشى قاباتتان ءتۇسىپ قاراعان كەزىندە، بەتىن ماسكامەن تۇمشالاپ العان بەيتانىس ەركەكتى كوزى شالعان. قىلمىسكەرلەر فابريكانىڭ مۇلكىن توناماقشى بولعان. لين ۆەيسزي مىرزا ۇرىنى  توقتاتپاق بولعاندا كاسىپكەردىڭ وزىنە باس سالىپ، سوققىعا جىعا باستاعان. بىرەر مەزەتتەن سوڭ ەكى سىبايلاسى كەلىپ قوسىلىپ، ۇشەۋى بىرگە جابىلعان.

كۇزەت كەلگەن ساتتە ۇرىلار دەرەۋ ىزدەرىن سۋىتىپ ۇلگەرگەن، الايدا وزدەرىمەن بىرگە ەشنارسە الىپ كەتە المادى. لين ۆەيسزي قاتتى زارداپ شەككەن. باسپا ءسوز قىزمەتكەرىنىڭ ايتۋىنشا، دارىگەرلەرگە كاسىپكەردىڭ بەتىنە بىرنەشە ينەلەر تىعىپ ەمدەۋگە ءماجبۇر بولعان. لين ۆەيسزيدىڭ قازىرگى جاعدايى ءماز ەمەس – ۇنەمى باسى اۋىرىپ، تىنىسى تارىلىپ جۇرەدى ەكەن.

اۋدارعان: نازەركە لابيحان