قازاقستان قور بيرجاسىندا شەتەل ۆاليۋتالارىنا قاتىستى تاڭعى ساۋدا سەسسياسى اياقتالدى. ناتيجەسىندە 12 جەلتوقسانداعى دوللاردىڭ ورتاشا باعامى 331،56 تەڭگەنى قۇرادى، دەپ حابارلايدى قازاقستاندىق قور بيرجاسىنىڭ (KASE) رەسمي سايتى.
KASE اقپاراتىنا سايكەس، اقش دوللارىنا قاتىستى ساۋدانىڭ تومەنگى كۋرسى 332 تەڭگەنى قۇرادى. جوعارعى كۋرس – 336،75 تەڭگە، ساۋدانىڭ اياقتالۋى كەزىندە 331،01 تەڭگە بولدى. تاڭعى سەسسيادا ساۋدا كولەمى 112 ملن 900 دوللار بولدى. ۆاليۋتا وپەراسياسىنا بايلانىستى كەلىسىم سانى — 217.
اقشا ايىرباستاۋ ورىندارىندا 12 جەلتوقسانداعى دوللاردىڭ جوعارى كۋرسى (الماتى ۋاقىتىمەن – 11:00) الماتىدا 335 تەڭگەنى قۇراعان.
ايتا كەتەيىك، 2016 جىلدىڭ 5 قاڭتارىنان باستاپ شەتەل ۆاليۋتالارىنا قاتىستى تەڭگە كۋرسىن بەلگىلەۋ تۋرالى ەرەجەگە وزگەرىستەر مەن تولىقتىرۋلار ەنگىزىلدى. ەندى دوللارعا قاتىستى تەڭگەنىڭ ورتاشا رەسمي باعامى قازاقستان قور بيرجاسىنداعى تاڭعى جانە كۇندىزگى سەسسيا قورىتىندىسى بويىنشا بەلگىلەنەدى.
