«Bloomberg» 2017 جىلعا الەمدەگى بولۋى مۇمكىن ساياسي وزگەرىستەرگە بولجام جاسادى. اتالمىش باسپا  2016 جىلعا دا ءوز بولجامدارىن جاساپ، ونىڭ بىرنەشەۋى تۋرا كەلدى. ماسەلەن، دونالد ترامپ اقش پرەزيدەنتتىك سايلاۋىندا جەڭىپ شىعاتىنى، انگليانىڭ ەو شىعاتىنى تۋرالى ايتىلعان. 

ەۋروپاداعى داعدارىس

«Bloomberg» 2017 جىلى فرانسيانىڭ پرەزيدەنتتىك سايلاۋىندا مارين لە پەن جەڭىسكە جەتىپ، فرانسيانىڭ ەو شىعۋ تۋرالى رەفەرەندۋم وتكىزىلەدى  دەپ بولجايدى.

سونىمەن قاتار شەنگەن ايماعى جويىلادى دەگەن ويدا.

گەرمانيادا انگەلا مەركەل سايلاۋدا جەڭىلىس تابادى. ال يتالياداعى «بەس جۇلدىز» پارتياسىنىڭ كوشباسشىسى بەپپە گريللو بيلىككە كەلىپ، يتالياندىق ليرانى قايتا ەنگىزۋ تۋرالى رەفەرەندۋم وتكىزەدى.

ال قۇراما كورولدىكتەگى تەرەزا مەيدى، برەكزيت بويىنشا ودان دا قاتال ساياساتتى ۇستاناتىن ۇمىتكەر باسىپ وزادى.

گرەسيادا ەكونوميكالىق داعدارىس جالعاسا بەرەدى. الايدا، بۇل جولى ەشانداي قارجىلىق كومەك كورسەتىلمەيدى.

اقش ترامپتىڭ ماسەلەسى

2017 جىلى اقش-تا ترامپتىڭ اتاعى بىردەن اسقاقتاپ كەتەدى. وعان سالىققا قاتىستى سالماقتى رەفورمانىڭ دا اسەرى بولادى.

كاليفورنيادا جاڭا پرەزيدەنتكە قارسى ساياسي وپپوزيسيا قالىپتاسادى. دونالد ترامپ ورتالىق ازياعا اسەرىن كۇشەيتىپ، ەسىرتكى تاسىمالى ءۇشىن اۋعانستاندا ءوز بيلىگىن نىعايتۋ ماقساتىندا  اقش-تىڭ  ناتو-داعى جانە بۇۇ مۇشەلىگىنەن باس تارتادى.

سولتۇستىك كورەيا  ءوز  زىمىراندارىن يادرولىق جابدىقتارمەن قامتاماسىز ەتە الاتىن دارەجەگە جەتكەندە،  اقش-تىڭ ازياعا اسەرى السىرەيدى. ول دونالد ترامپتى قىتايدان كومەك سۇراۋعا ءماجبۇر ەتەدى. 

دونالد ترامپ اقش پەن كۋبانىڭ قارىم-قاتىناسىن ديپلوماتيالىق  جولمەن رەتتەۋ پروسەسسىن توقتاتادى. بۇل ارالدىڭ رەسەيلىك ارنايى قىزمەتكە ەسىگىن ايقارا اشۋىنا تۇرتكى بولادى.

ترامپ پەن ءپۋتيننىڭ قارىم-قاتىناسىنا سىزات تۇسەدى.

ساۋد ارابياسى جانە مۇناي

مۇراگەر حانزادا مۇحاممەد بين سالماننىڭ ورىنباسارىنىڭ الەمدەگى ءىرى مۇنايدىڭ ءوندىرىسىن ءارتاراپتاندىرۋ ارەكەتى ىسكە اسپايدى. 

جەڭىلدىكتەردىڭ جاڭا سالىقتارمەن الماستىرىلۋى ءومىر ءسۇرۋ دەڭگەيىنىڭ تومەندەۋىنە اكەلەدى. سونىڭ سالدارىنان حالىق نارازىلىعى كۇشەيەدى.  

سارايداعى توڭكەرىس بيلىككە كورولدىك وتباسىنىڭ جاڭا مۇشەسىن الىپ كەلۋگە ماجبۇرلەيدى.  ول تاڭدالعان مۇراگەردى شەتكە ىسىرىپ، رەفورمانى توقتاتادى.

ترامپ جاقىن شىعىس، امەريكا ءۇشىن ۇلكەن ماسەلە ەمەس دەگەن توقتامعا كەلەدى. ال ساۋد ارابياسىمەن يراننىڭ قارىم-قاتىناسى تىكەلەي قارۋلى قاقتىعىسپەن اياقتالادى.

مۇناي  مەن گاز ەكسپورتى قىسقارادى. «Saudi Aramco» ۇلتتىق مۇناي كومپانياسىن جەكەشەلەندىرۋ جوسپارى ىسكە اسپاي قالادى. ساۋد ارابياسى ۇلتتىق ۆاليۋتاسىن ديەۆالۆاسياعا ۇشىراتادى.