«اناعا اپارار جول» ءفيلمىنىڭ باس پروديۋسەرى ءاليا نازاربايەۆانىڭ جەتەكشىلىگى ارقاسىندا تاريحي درامانىڭ پروكاتى وتاندىق كينوتەاترلاردا ءساتتى ءوتتى. ەندى تۋىندىنى قازاقستاندىقتار 17 جانە 18 جەلتوقساندا تەلەارنالاردان تاماشالاي الادى.

18 جەلتوقسان كۇنى ساعات 22:10 فيلم كتك تەلەارناسىنان كورسەتىلەدى. رەسەي، گرۋزيا، ارمەنيا، ءازىربايجان، وزبەكستان، تاجىكستان، قىرعىزستان، تۇركمەنستان ەلى تاريحي درامانى رەسەيدىڭ ورتالىق ارناسى «پەرۆىي كانال. بۇكىلالەمدىك جەلى» جانە «ۆرەميا» تەلەارناسىنان جەلتوقساننىڭ 17 مەن 18 كۇندەرى كورەدى.

ەل تاۋەلسىزدىگىنىڭ 25 جىلدىعىنا ارنالعان كينوكارتينا قازاقستان كينەماتوگرافياسىنداعى بىرەگەي تۋىندى  بولىپ سانالادى. رەجيسسەر اقان ساتايەۆتىڭ يدەياسىن قولداعان ءاليا نازاربايەۆا، تاريحي درامانىڭ كەڭ كولەمدى قامتيتىن كارتينا بولىپ شىعۋىنا مۇمكىندىك جاسادى. ءبىر عانا قازاق وتباسىنىڭ باسىنا تۇسكەن قيىندىق ارقىلى 1930 جىلدارداعى كۇللى حالىق تاعدىرى سۋرەتتەلەدى. اناسىنان اجىراپ قالعان باس كەيىپكەر سۇراپىل سوعىستى كورەدى. ءتۇرلى قيىندىقتارعا قاراماستان ءوز ۇيىنە ورالۋعا تىرىسادى. 

 «اناعا اپارار جول» كارتيناسى حالىقارالىق دەڭگەيدە جوعارى باعاعا يە بولدى. يالتادا وتكەن «ەۆرازييسكيي موست» كينوفەستيۆالىندە فيلم گران-پري جەڭىپ الدى. ەڭ ۇزدىك ايەل ءرولى نوميناسياسى بويىنشا باستى ءرولدى سومداعىن التىناي نوگەربەك ۇزدىك دەپ تانىلدى. قىركۇيەك ايىندا الماتىدا وتكەن حالىقارالىق «ەۆرازيا» كينوفەستيۆالىندە ۇلتتىق كينەماتوگرافيالىق ونەر جانە عىلىم اكادەمياسىنىڭ العاشقى «تۇلپار» پرەمياسى تابىستالدى. «ۇزدىك ايەل ءرولى» نوميناسياسى بويىنشا تاعى دا التىناي نوگەربەك جەڭىمپاز اتاندى. «ۇزدىك وپەراتورلىق جۇمىس» نوميناسياسى بويىنشا ءفيلمنىڭ قويۋشى-وپەراتورى حاسان قىدىرالييەۆكە تەڭ كەلەر ەشكىم بولمادى.

سونىمەن قاتار ءفيلمدى جاساۋشىلار ءقازىر ۋاقىتتا تۋىندىنىڭ گالا-كورسەتىلىمىن تۇركيا استاناسى انكارادا جەرگىلىكتى ينتەلليگەنسيا مەن بيزنەس وكىلدەرىنە ۇيىمداستىرۋ جۇمىستارىمەن اينالىسۋدا. مۇنداعى ماقسات – تۇركيالىق كورەرمەندەرگە قازاقستاننىڭ تاريحى مەن مادەنيەتىن تەرەڭرەك تانىتۋ. سوندىقتان جەلتوقسان ايىنىڭ سوڭىندا  ۇيىمداستىرىلاتىن كورسەتىلىم مەملەكەتتىك مەرەكەگە ورايلاستىرىلىپ وتىر.  

ءفيلمنىڭ باس پروديۋسەرى ءاليا نازاربايەۆا قازاقستان تاريحىنىڭ حالىقارالىق دەڭگەيدە تانىلۋىنا سۇبەلى ۇلەسىن  قوسىپ وتىر. وسى رەتتە «اناعا اپارار جول» ءفيلمىن كينوتەاترلاردان كورە الماعان قازاقستاندىقتار ەندى ونى تەلەارنادان تاماشالايدى:

17 جەلتوقسان استانا ۋاقىتى بويىنشا ساعات 15.30 – كابەلدىك جەلىدەگى «پەرۆىي كانال. بۇكىلالەمدىك جەلى» 

17 جەلتوقسان استانا ۋاقىتى بويىنشا ساعات 15.30 – كابەلدىك جەلىدەگى «ۆرەميا» تەلەارناسىندا

18 جەلتوقسان ساعات 22.10 – كتك تەلەارناسىندا