قىتايدىڭ رەسپۋبليكالىق «بالالار اۋەنى» تەلەجوباسىندا 13 جاستاعى قانداسىمىز دانيار تولقىن ۇلى "اتامەكەن-اي" ءانىن ورىنداپ، قىتايلىق كورەرمەندەردى اۋزىنا قاراتتى دەپ حابارلايدى www.inform.kz.

 دانيار جوبانىڭ ەكىنشى اينالىمىنا ءوزىنىڭ ۇستازى، بەلگىلى ءانشى اراي ايدارحاننىڭ دايىنداۋىمەن جانبوتا تۇياقبايەۆتىڭ  "اتامەكەن-اي" ءانىن الىپ كەلگەن بولاتىن. ءاندى جوعارى دەڭگەيدە ورىنداعان بالا كورەرمەندەردىڭ ىستىق ىقىلاسىنا بولەندى.  

بۇگىندە بايقاۋدىڭ بەينەجازباسى قىتايدىڭ تىڭ ءشۇن (teng xun 腾讯 ) ۆيدەوپورتالىنا جۇكتەلىپ، جۇرتتىڭ قىزۋ تالقىسىنا تۇسۋدە. كوپساندى جەلى قولدانۋشىلارى بالانىڭ ونەرىنە ءسۇيسىنىپ، الداعى جولىنا ساتتىلىك تىلەۋدە.  ال، كەيبىرى دانياردى جۇڭگو بالا دەپ شاتاستىرىپ،  «اتامەكەن-اي» ءانىن ورىنداۋعا قىزعانىش بىلدىرگەن. 

 «بالالار اۋەنى» - بۇل ونەرلى بالالارعا ارنالعان بۇكىلقىتايلىق تەلەجوبا. وندا ارنايى ىرىكتەۋدەن وتكەن ءانشى بالالار، كاسىبي جۇلدىزدى تالىمگەرلەرمەن بىرگە دايىندالىپ،  كومانداعا ءبولىنىپ باقتارىن سىنايدى. سول ارقىلى مۋزىكالىق ءبىلىمىن، تاجىريبەسىن شىڭداپ، ءارى قارايعى ونەر جولىنا قانات قاعادى. ايتا كەتەيىك، "اتامەكەن-اي" ءانى ق ر حالىق ارتيسى روزا رىمبايەۆانىڭ ورىنداۋى ارقىلى كەڭىنەن تارالدى. اۋەنىن جانبوتا تۇياقبايەۆ، ءسوزىن ءشومىشباي سارييەۆ جازعان.