«كەشYou» توبىنىڭ ءانشىسى اقبوتا سەيتماعامبەت تۇرمىسقا شىعاتىنىن، سول سەبەپتى توپ قۇرامىنان كەتكەلى جۇرگەنىن جاريا ەتكەننەن كەيىن باسى ۇلكەن داۋعا قالعان ەدى. جۇرتشىلىق ونى اكتەر داۋرەن ايدارقۇلوۆتىڭ وتباسىن بۇزدى دەپ ايىپتاپ، يت تەرىسىن باسىنا قاپتاعان بولاتىن. وعان سەبەپ داۋرەن ايدارقۇلوۆتىڭ اق نەكەلى جارىنىڭ اقبوتانى ايىپتاعان سىڭايدا جازعان جازبالارى سەبەپ بولعان-دى دەپ حابارلايدى inform.kz

ال، اقبوتا مەن داۋرەن جاقىندا جارىق كورگەن «گلامۋر دليا دۋر» فيلمىندە عاشىقتاردىڭ ءرولىن سومداعان. توپ پروديۋسەرى بايان ماقسات قىزى  اقبوتانىڭ ءوز سۇيىكتىسىن ءدال وسى ءفيلمنىڭ ءتۇسىرىلىم الاڭىندا جولىقتىرعانىن دا حابارلاعان.

كۇنى بۇگىنگە دەيىن ءانشى بۇل ايعاي-شۋ مەن ايىپتاۋلاردىڭ بارىنە ءلام-ميم دەپ جاۋاپ قاتپاعان-دى. شىدامى شەگىنە جەتتى مە، الدە ابدەن اشۋىنا ءتيدى مە، ايتەۋىر بۇگىن وسى داۋدىڭ نۇكتەسىن قويۋعا بەل بۋىپتى. ءانشىنىڭ instagram جەلىسىندەگى جەكە پاراقشاسىنا قالدىرعان جازباسىن نازارلارىڭىزعا ۇسىنامىز:

«قايىرلى كۇن دوستار! سىزدەرگە ءوزىمنىڭ جەكە ءومىرىم جايلى ايتقىم كەلىپ وتىر. ءيا، ەرجان مەن ءالي، داۋرەن مەن ... بارىمەن قوسىپ شىقتىڭىزدار. ەندى سىزدەرگە ايتارىم، مەن ەشكىمنىڭ وتباسىن بۇزعان جوقپىن. مەنىڭ داۋرەن ايدارقۇلوۆپەن ەشقانداي قارىم-قاتىناسىم جوق. «كينودا دا ماxاببات،ومىردە دە ماxاببات بولىپ كەتىپتى» دەگەندەرگە: ول كىسىگە قوسۋدى دوعارىڭىزدار! مەنىڭ تۇرمىسقا شىعاتىن بولاشاق جارىم مۇلدە ونەر ادامى ەمەس.

ال داۋرەن ايدارقۇلوۆقا كەلەتىن بولساق، وتباسىلىق جاعدايىن وزدەرى شەشسىن. تەك مەنى ارالاستىرماۋلارىن سۇرايمىن. مەن ەشكىمنىڭ وتباسىن بۇزعان جوقپىن. بىلەمىن مەنى قانشا قارعادىڭىزدار، جەك كورىپ كەتتىڭىزدەر، لاستادىڭىزدار، ءتۇرلى-تۇرلى جۇرەككە تيەر سوزدەر ايتتىڭىزدار. مەن ءبارىن تۇسىنەمىن. اللا قالاسا كەلەسى جىلى توي!

 اركىم ءوز وتباسىمەن باقىتتى بولسىن. وزدەرىنىڭ لاس تىرلىكتەرىنە مەنى قوسپاسىن. ەگەردە باقىتتى وتباسى بولسا،وسىنشاما ايقاي-شۋ شىعارىپ، ەلدى ءدۇر سىلكىندىرمەس ەدى. نە دەيىن ەندى باقىتتى بولىڭىزدار!»