قحر قىلمىستىق كودەكسىنىڭ 13 بابى بويىنشا ءىستى بولعان ميللياردەر ليۋ حاندى قىتايدا ءولىم جازاسىنا كەستى.

بۇل ءولىم جازاسى قىتايدا زاڭ الدىندا ءبارى بىردەي ەكەنىن كورسەتتى.

South China Morning Post باسىلىمى حابارلاعانداي، ليۋ حانعا شىعارىلعان جازا وتكەن جىلدىڭ مامىر ايىندا بەكىتىلگەن ەكەن. ول بىردەن 13 باپ بويىنشا ايىپتالىپ وتىر.

ءىس جۇرگىزىلگەندە قىتايدىڭ ەڭ باي ادامىنىڭ ءبىرى ادام ولتىرۋمەن اينالىساتىن ءىرى قىلمىستىق توپتى جاسىرىن باسقارىپ كەلگەن، زاڭسىز كازينو مەن قارۋ-جاراق ساتۋمەن اينالىسقان.

1997 جىلى الەمدەگى ەڭ ءىرى تەمىر كەنى Hanlong Group-تىڭ  نەگىزىن قالاعان ليۋ حانعا بانكتىك كرەديت الۋ كەزىندە قاتە اقپارات بەرگەنى ءۇشىن  300 ملن يۋان ايىپپۇل سالدى. ليۋ حانمەن بىرگە ونىڭ اينالاسىنداعى ءتورت ادام دا ءولىم جازاسىنا كەسىلدى.

گونكونگ جۋرنالدارىنىڭ مالىمەتىنشە، ليۋ حان قحر مەملەكەت قاۋىپسىزدىگىنىڭ بۇرىنعى باسشىسى چجوۋ يۋنكانمەن تىعىز قارىم-قاتىناستا بولعان. سول سەبەپتى ول جاۋاپكەرشىلىكتەن قاشىپ جۇرگەن. ال وتكەن جىلدىڭ جەلتوقسانىندا چجوۋ يۋنكاننىڭ ءوزى قىزمەتتەن بوساتىلدى. وعان دا كوررۋپسيالىققا قاتىسى بار دەگەن ايىپ تاعىلادى دەپ كۇتىلۋدە.  ءىستى جۇرگىزۋ بارىسىندا بۇرىنعى قاۋىپسىزدىك باستىعى پارا الىپ، تۋىستارى مەن دوستارىن لاۋازىمدى ورىندارعا تارتىپ وتىرعانى انىقتالدى.