استانادا باس پروكۋراتۋرانىڭ الدىندا ءوزىن ورتەپ جىبەرگەن مايرا رىسمانوۆا قايتىس بولدى دەپ حابارلايدى kazinfo.today.

دەنەسىنىڭ 60% كۇيىك شالعان م.رىسمانوۆا  بۇگىن تاڭ ەرتەڭ قايتىس بولدى. بۇعان دەيىن دارىگەرلەر ونىڭ ەسىن جيناعانىن ايتقان.

6 جەلتوقساندا باس پروكۋراتۋرانىڭ باقىلاۋ پۋنكتىندە 48 جاسار مايرا رىسمانوۆا ۇستىنە بەنزين قۇيىپ، ءوزىن ورتەپ جىبەرگەن. وسىلايشا ول پروكۋرور مەن قوعامنىڭ نازارىن وزىنە اۋدارماق بولعان. ونىڭ ويىنشا بالاسىنا شىعارىلعان سوت ۇكىمى ادىلەتسىز.

باس پروكۋراتۋرادا سوتتالعان جىگىتتى ۇيىمداسقان قىلمىستىق توپتىڭ كوشباسشىسى بولعانىن ايتتى. باس پروكۋرور جاقىپ اسانوۆ: «بۇل كەزدەيسوقتىق ەمەس. مايرا رىسمانوۆانىڭ جان ايقايىن ەشكىم ەستىمەدى. بۇل ماسەلەنى ءوز باقىلاۋىنا الامىن» دەپ پارلامەنت ءماجىلىسىنىڭ وتىرىسىندا ايتتى.

كەشە عانا استانا پروكۋرورلارى مايرا رىسمانوۆاعا قان وتكىزگەن ەدى.