وڭتۇستىك قازاقستان وبلىسىنىڭ ديقاندارى بيىل العاش رەت تۇركيا مەن قىتايدان ماقتانىڭ جاڭا سۇرپىن اكەلىپ ەككەن. تاجىريبە رەتىندە سەبىلگەن تۇقىم بىتىك شىقتى. مىرزاشولدىك شارۋالار قۋاڭشىلىققا قاراماستان ءتىپتى كەيبىر القاپتاردان 50 سەنتنەرگە دەيىن ءونىم الىپ جاتىر. ءقازىر وتاندىق عالىمدار جەرگىلىكتى جەردەگى ماقتا سۇرپىن جەتىلدىرۋدى قولعا الدى. ءمىرزاشولدىڭ اپتاپتى ىستىعى مەن قۇرعاقشىلىققا قاراماستان شەتەلدەن اكەلىنىپ سەبىلگەن شيتتەر بىتىك شىققان.بۇنىڭ جەرگىلىكتى تۇقىمعا قاراعاندا بويى الاسا بولعانىمەن كوسەگى كوپ،ونىمدىلىگى جوعارى. ديقاندار سوڭعى 10 جىلدا مۇنداي ماقتا الماعاندارىن ايتىپ وتىر. تاۋەلسىزدىك العان جىلداردان بەرى ديقانشىلىقپەن اينالىسىپ كەلە جاتقان تۇرسىنباي بەردالييەۆ شەتەلدىك سۇرىپتىڭ جەر تالعامايتىنىن ايتادى. ويتكەنى قاتارىنان 6 جىل ەگىن ەگىلگەن جەرگە سەبىلگەن شيت تولىق شىعىپتى. ونىمدىلىگى دە جامان ەمەس، - دەيدى شارۋا. باستىسى، جازدىڭ اپتاپتى ىستىعىندا سۋ بولماي قالعان كەزدە دە ماقتا جاپىراق اشىپ، شاناق تاستاماعان.

تۇرسىنباي بەردالييەۆ، شارۋا قوجالىعىنىڭ قۇرىلتايشىسى: - سۋ تاپشىلىعىنا قاراماي جاقسى ءونىم بەرىپ جاتىر. كۇنباعىستان كەيىن جەردىڭ قۇنارلىلىعى جوعالادى. ول راس. ءبىراق مىنا تۇركيانىڭ ماقتاسى سول جەردەن وزىنە بار ءتيىمدى دەگەن زاتتاردىڭ ءبارىن الادى ەكەن. مىنە، ونىمدىلىگى جوعارى. مەنىڭ ءوز ويىم وسى ماقتارالدا ءوندىرىلىپ جاتقان شيتتەرگە وسى قاسيەتتەردى ەندىرۋىمىز كەرەك. سوندا ءبىزدىڭ ماقتامىزعا جەتەتىن ماقتا بولمايدى. تاجىريبەلى شارۋا تۇقىمى بولەك ماقتاعا اگروتەحنيكالىق تالاپتاردى تولىق جۇرگىزگەن. سونىڭ ارقاسىندا ەگىن القابىنداعى كەيبىر جەرلەردەن 50 سەنتنەرگە دەيىن ءونىم الىپ جاتىر ەكەن. وعان قوسا، مۇندا بارلىق جۇمىس تەحنيكانىڭ كۇشىمەن اتقارىلادى. بۇل ءونىمدى جىلدام ءارى ىسىراپسىز جيناپ الۋىنا مۇمكىندىك بەرەدى دەيدى شارۋا.

ال تۇركىستاندىق ديقاندار بيىل ماقتانىڭ جەرگىلىكتى عالىمدار ويلاپ تاپقان جاڭا سۇرپىن ەگىپتى. شارۋا قوجالىق كەلىسىم اياسىندا 300 گەكتار جەرگە وتاندىق شيت سەپكەن. «تۇركىستان» دەگەن اتاۋ العان ماقتا سورتى ورتا ەسەپپەن 35 سەنتنەردەن ءونىم بەرگەن. ارتىقشىلىعى 10-15 كۇن ەرتە پىسەدى جانە تالشىعى 4-سۇرىپتى.

حابيبۋللا ازيموۆ، شارۋا قوجالىعىنىڭ ءتوراعاسى: - بۇل سۇرىپتىڭ سيپاتتاماسى بويىنشا ونىمدىلىگى گەكتارىنا 40-45 سەنتنەر. تەز اشىلۋى بۇل بىزگە جاۋىن-شاشىنعا قالماي، ماقتانى تەرىپ الۋعا مۇمكىندىك بەرەدى. ودان كەيىن بۇل ماقتانىڭ تالشىعى 4 سۇرىپقا جاتادى. قازاقستاندا بۇعان دەيىن وندىرىلمەگەن ءتۇرىن ەندى ءوندىرىپ جاتىرمىز. قازاقستانداعى توقىما كاسىپورىندارىندا بۇل تۇرگە سۇرانىس كوپ. وبلىس كولەمىندە بيىل جالپى 109 مىڭ گەكتەر جەرگە ماقتا ەگىلگەن. سونىڭ 1600 گەكتارىنا تۇركيا مەن قىتايدان اكەلىنگەن ءدان سەبىلىپتى. ماماندار جازداعى سۋ تاپشىلىعىنا  قاراماستان  ونىمدىلىك جامان ەمەس دەپ وتىر.

سەرىك تۇربەكوۆ، وبلىستىق اۋىل شارۋاشىلىعى باسقارماسىنىڭ باسشىسى: - ءبىز تۇسىمدىلىك 27 سەنتنەردەن بولادى دەپ ەسەپتەگەنبىز. ءبىراق وزدەرىڭىز بىلەسىزدەر، جازدا مىناۋ سىرداريادان دوستىق كانالىنا سۋ كەلۋى از بولدى. 30 مىڭ گەكتار القابىمىز ۋاقىتىلى سۋ ىشپەي قالدى. سونىڭ سەبەبىنەن بيىل 25-26 سەنتنەردەن ماقتا تەرەمىز دەپ جۇمىس جاساپ جاتىرمىز.ونىمدىلىك ۇشەۋىندە دە جامان ەمەس.وبلىستىق اۋىل شارۋاشىلىعىنداعىلار ازىرگە ماقتانىڭ شەتەلدىك سۇرپى مەن جەرگىلىكتى تۇقىمدى سالىستىرىپ ايتۋ ەرتەرەك دەپ وتىر. دەگەنمەن بيىلعى اۋا رايى شارۋالاردىڭ الا جازدايعى ەڭبەگىن دەر كەزىندە جيناپ الۋىنا قاراسىپ تۇر.

http://www.zhebe.com/