ەلىمىزگە بەلگىلى ءانشى قايرات نۇرتاس  «دارىن» مەملەكەتتىك سىيلىعىنىڭ يەگەرى اتانعانى جايلى قامشى پورتالى جاريالاعان بولاتىن. سونىمەن قاتار ونەر قايراتكەرى  «قۇرمەت» وردەنىمەن ماراپاتتالدى. بۇل جايىندا ءانشى ءوزىنىڭ جەلىدەگى پاراقشاسىندا حالىقتان ءسۇيىنشى سۇراپ، قۋانىشىمەن ءبولىستى.

«اسسالايماعالەيكۋم، قۇرمەتتى جاماعات! ەڭ الدىمەن بارشاڭىزدى تاۋەلسىزدىگىمىزدىڭ 25 جىلدىعىمەن قۇتتىقتايمىن! وسىنداي ماراپاتتى الۋ مەن ءۇشىن ۇلكەن مارتەبە جانە جاۋاپكەرشىلىك. ەلباسىمىزعا جانە مەنى قايرات ەتكەن تىڭدارماندارىما شىن جۇرەكتەن العىس ايتقىم كەلەدى.ءبىز قانداي جەتىستىككە جەتسەك دە ول ەلىمىزدەگى بەيبىت زاماننىڭ، ەلباسىمىزدىڭ xالقى ءۇشىن توككەن تەرىنىڭ سەبەبىنەن دەپ بىلەمىن. مىنە ونەرىمىزدى xالىققا ۇسىنۋ ءۇشىن دە بارلىق جاعداي،ۇلكەن مۇمكىندىكتەر جاسالعان. سونداي نىسانداردىڭ ءبىرى الماتى ارەنادا تاۋەلسىزدىگىمىزدىڭ 25 جىلدىعىنا ارنالعان ءان كەشىمدى بەرمەكپىن. بىزگە وسىنداي باقىتتى ءومىر مەن تولاعاي تابىستار سىيلاعان تاۋەلسىزدىگىمىز ماڭگىلىك بولسىن!»

 «بۇگىن باۋىرجان قىدىرعالي ۇلىنىڭ قولىنان ەلباسىمىزدىڭ جارلىعىمەن بەرىلگەن "قۇرمەت" وردەنىن الۋ بۇيىردى! ەركەلەپ ءان ارناتقان ەلىمە راxمەت!»

ايتا كەتەتىن بولساق، قۇرمەت وردەنى - قازاقستان رەسپۋبليكاسىنىڭ وردەنى. 1993 ج. ق ر پرەزيدەنتىنىڭ جارلىعىمەن بەلگىلەنگەن. وردەنمەن ەكونوميكانى، الەۋم. سالانى، عىلىم مەن مادەنيەتتى، ءبىلىمدى دامىتۋعا ەڭبەك سىڭىرگەن قايراتكەر ازاماتتار ماراپاتتالادى.

سونىمەن «قۇرمەت» وردەنىمەن ماراپاتتالعان قايراتكەرلەردىڭ قاتارىندا شاحماتشى دينارا ءسادۋاقاسوۆا،  شىعىس قازاقستان وبلىسى تارباعاتاي اۋدانىنىڭ اكىمى – وڭتۇستىكتىڭ تۋماسى دىلدابەك ورازبايەۆ،  اقىن، حالىقارالىق «الاش» ادەبي سىيلىعىنىڭ لاۋرەاتى، «قۇرمەت» وردەنىنىڭ يەگەرى زايدا ەلعوندينوۆا سىندى زيالى قاۋىم وكىلدەرى بار.

قامشىگەر: نازەركە لابيحان