استانا تۇرعىنى رەتىندە وڭتۇستىك قازاقستان وبلىسىنىڭ اۋىل شارۋاشىلىق جارمەڭكەسىن وتكىزىپ جاتقاندارعا العىسىم شەكسىز.  استاناعا قارا سۋىق ءتۇسىپ، قار جاۋىپ كەتسە دە، ەلوردا تۇرعىندارى وڭتۇستىكتىڭ قاربىز-قاۋىنىن جەۋگە مۇمكىندىك العانى قۋانتادى.  قۇرت-ىرىمشىك، قىمىز-شۇبات، باۋىرساق سياقتى ۇلتتىق تاعامدار جانە بار. بۇگىن تاڭەرتەڭ «حان شاتىر» ساۋدا ويىن-ساۋىق ورتالىعىنىڭ الدىندا وڭتۇستىك قازاقستان وبلىسىنىڭ جارمەڭكەسى باستالىپ، وڭتۇستىگىمىزدىڭ قانشاما ءونىمىن ساتىپ الدىق.

استانادا قاربىزدىڭ ماۋسىمى تەز ءوتىپ كەتەدى، تويىپ جەپ ۇلگەرمەيمىز. سول سەبەپتى، وڭتۇستىكتىڭ قاربىز-قاۋىنىنان اۋىز تيەيىك دەپ ساتىپ الدىم. كيلوسى 90 تەڭگەدەن ەكەن. بۇعان قوسا مۇنداي باعا تاپپايسىز. جارمەڭكەدە ءسابىز، كارتوپ، پياز سياقتى كوكونىستەردىڭ كيلوسى 50 تەڭگەدەن، بايالدى – 100 تەڭگەدەن، قۇرتتىڭ كيلوسى – 1 400 تەڭگەدەن، ىرىمشىك – 1 100 تەڭگەدەن، جىلقى ەتى – 1 200 تەڭگەدەن، جىلقىنىڭ قازىسى – 1 500 تەڭگەدەن، جۇمىرتقا – 22 تەڭگەدەن ساتىلۋدا. بۇل دەگەن قاراپايىم حالىق ءۇشىن وتە قولجەتىمدى باعا.  ۇيىمداستىرۋشالىردىڭ ايتۋىنشا، وڭتۇستىك ءوڭىر اۋىل شارۋاشىلىق ونىمدەرىمەن قازاقستاننىڭ بارلىق وبلىستارىن قامتۋعا تىرىسادى ەكەن. وبلىس اكىمدىگى جەمىس-جيدەك، كوكونىس ەگىلەتىن جەرلەردىڭ كولەمىن دە جىل سايىن ۇلعايتىپ، ديحاندارعا قولداۋ كورسەتۋدى جۇيەلى تۇردە جۇرگىزىپ كەلە جاتقانىنان دا حاباردارمىز. سايكەسىنشە ءونىم كولەمى دە ارتۋدا.

جازيرا  اسقار،

استانا قالاسىنىڭ تۇرعىنى