بۇگىن اۋرۋحانادا قايتىس بولعان مايرا رىسمانوۆانىڭ ۇلى ەربول احمەتوۆ وزىنە قول جۇمساعان. وقيعا 8 جەلتوقساندا ورىن الدى. ەربول احمەتوۆ تامىرىن كەسىپ جىبەرگەن. ابىروي بولعاندا جىگىت امان قالدى. ءقازىر ونىڭ ومىرىنە ەشقانداي ءقاۋىپ ءتونىپ تۇرعان جوق. 
بۇگىن باس پروكۋرور جاقىپ اسانوۆ قايتىس بولعان مايرا رىسمانوۆانىڭ اپكەسى دانيا رىسمانوۆانى قابىلداعان ەدى. 
باس پروكۋرور مايرا رىسمانوۆانىڭ تۋىستارىنا كوڭىل ايتىپ،  48 جاسىندا دۇنيەدەن وزعان مايرا رىسمانوۆانىڭ جەرلەۋ راسىمىنە كومەكتەسەتىنىن دە جەتكىزدى.
ءوزىن ورتەپ، اۋرۋحانادا قايتىس بولعان مايرا رىسمانوۆانىڭ قىزى دا جاقىپ اسانوۆپەن كەزدەسكىسى كەلەتىنىن ايتقان. الايدا استاناداعى باس پروكۋراتۋرانىڭ الدىندا تالىپ قالعان. وعان مەديسينالىق كومەك كورسەتىلدى. 
جامبىل وبلىستىق ءىىد سوتىنىڭ ەربول احمەتوۆكە قاتىستى شىعارعان ۇكىمىنە نارازى بولعان مايرا رىسمانوۆا ءوزىن ورتەپ جىبەرگەن. 
باس پروكۋراتۋرا اتالمىش وبلىستىڭ ءىىد شىعارعان سوت ۇكىمدەرىن تەكسەرەتىن ۆەدومستۆوارالىق توپ قۇرىلاتىنىن مالىمدەدى. ونى باس پروكۋرورلىق ورىنباسارى ە.ا.كەنەنوۆ باسقارادى.