2005 جىلى ەلباسى كەنتاۋ قالاسىنا كەلiپ، حالىقپەن ەمەن-جارقىن كەزدەسكەن ەدi. سول كەزدەسۋ كەزiندە نۇرسۇلتان ءابiش ۇلى  «ناعىز كەنتاۋلىقتار بارلىق اۋىرتپالىققا شىداي بiلدi. بۇگiن قالا بiزدiڭ رەسپۋبليكامىزبەن بiرگە وركەندەۋدە» دەدi. مiنە، وسىنىڭ ءوزi كەنتاۋلىقتاردىڭ بولاشاققا دەگەن سەنiمiن نىعايتىپ، قادامىن نىق باسۋىنا، ۋاقىتشا بولعان قيىنشىلىقتاردىڭ ءبارiن ارتتا قالدىرۋىنا سەبەپ بولدى.

بۇگiنگi تاڭدا مەملەكەتتiك «بiر سالالى شاعىن قالالاردى دامىتۋ» باعدارلاماسىنا ەنگەن كەنشiلەر قالاسىنىڭ كاسiپكەرلiكتi دامىتۋ مەن قالانى اباتتاندىرۋ، ينفراقۇرىلىمدى رەتتەۋ iسiنە رەسپۋبليكا تاراپىنان ۇلكەن قولداۋ كورسەتiلiپ وتىر. ياعني قازiرگi تاڭدا كەنتاۋدىڭ ەكiنشi جاڭارۋ كەزەڭi ءجۇرiپ جاتىر. قالا جاڭا كەيiپكە ەنiپ، ءون بويىنا قان جۇگiردi. جىل سايىن جەتiستiككە  قول جەتكiزiپ كەلەدi.

وقو كاسiپكەرلەر پالاتاسىندا «وقو-نىڭ ينۆەستيسيالىق تارتىمدىلىعى» اتتى جاڭا جوبانىڭ تانىستىرىلىمى ءوتتi. وسى جوبا شەڭبەرiندە بiرiنشi كەزدەسۋدi كەنتاۋ قالاسىنىڭ اكiمi ءا.ماقۇلبايەۆ وتكiزدi.

وبلىستىڭ وزگە اۋدان، قالالارىنداعى سياقتى كەنتاۋدا دا  يندۋستريالدى ايماق قۇرىلعان. سونىڭ ينفراقۇرىلىمى بيىل تولىعىمەن اياقتالدى. قازiر ول جەردە جوسپارلانعان بەس جوبانىڭ ۇشەۋi جۇزەگە اسىرىلۋدا. ەندi كەنتاۋ اكiمدiگiنiڭ الدىندا سول يندۋستريالدى ايماقتى جوبالارعا تولتىرۋ ماقساتى تۇر. كاسiپكەرلەر مەن بۇقارالىق اقپارات قۇرالدارى الدىندا اكiم جالپى شاعىن قالانىڭ، سونداي-اق، يندۋستريالدى ايماقتىڭ ينۆەستيسيالىق مۇمكiنشiلiكتەرiن، ەرەكشەلiكتەرiن تانىستىردى.

-- كەنتاۋ بiر كەزدەرi ونەركاسiپ ءوندiرiسi وركەندەگەن قالا بولعان. سونى قايتادان قالپىنا كەلتiرسەك دەيمiز. وسى ارقىلى قوسىمشا جۇمىس ورىندارىن اشۋعا، ادامدارعا تۇراقتى تابىس تابۋعا مۇمكiندiك بەرiلەدi، --دەدi  مونوقالا باسشىسى.

ينۆەستيسيالىق تارتىمدىلىعى جاعىنان قاراعاندا كەنتاۋ كوپتەگەن جوبالارعا قولايلى كەلەدi. ماسەلەن، تاۋ كەن سالاسى، اۋىل شارۋاشىلىعى، ونەركاسiپ سالاسى، قىزمەت تۇرلەرi جانە تاعى باسقالار. اۋەل باستا قالانى قۇرۋداعى ماقسات  اششىساي پوليمەتالل كەنiشiن بايىتۋ جۇمىستارى بولاتىن. قاراتاۋدىڭ قويناۋىندا ءالi دە كوپتەگەن پايدالى قازبالار جاتىر. بيىلعى جىلدان باستاپ گەولوگيالىق بارلاۋ جۇمىستارى قولعا الىنعان.

اۋىل شارۋاشىلىعى سالاسى بويىنشا مۇندا كاسiپكەرلەرگە جىلىجاي، باۋ-باقشا، قۇس فەرماسى، مال بورداقىلاۋ الاڭدارى، كونسەرۆiلەۋ سەحتارىن اشۋعا  مۇمكiندiكتەر زور. 16 گەكتار جەر تەلiمi  اگرو يندۋستريالدى ايماق قۇرۋ ماقساتىنا 20 جىلعا رەزەرۆكە قالدىرىلىپتى. سونىڭ جانىنان 12 گەكتار جەر ءوندiرiستiك جىلىجايلار ءۇشiن كاسiپكەرلەرگە بەرiلمەك. بۇدان بولەك، كەنتاۋ قالاسى تۋريزمگە دە اسا ىڭعايلى. 17 شاقىرىم جەردە قاراتاۋ قورىعى ورنالاسقان. اۋا رايى تۋريزمنiڭ بارلىق ءتۇرiنە قولايلى. اتاپ ايتقاندا، ەكو تۋريزم، ءقوناقۇي، ساۋىقتىرۋ بازالارىن ۇيىمداستىرۋعا تولىق مۇمكiنشiلiك بار. 

بايان دارعوجينا، «ءوڭتۇستiك قازاقستان».