وڭتۇستىك قازاقستان وبلىسى بايدىبەك اۋدانىنىڭ تۋماسى جاناتكۇلدىڭ قيىندىققا تولى تاعدىرىن ەستىگەن ەر ازاماتتار وعان ۇيلەنگىسى كەلەتىندەرىن ايتىپ، جارىسا ۇسىنىس تاستاۋدا. قىزى جەزدەسىنەن جۇكتى بولعان ايەلدىڭ ازاپتى ءومىرى ولاردىڭ جۇرەگىن ەلجىرەتكەن. بۇل تۋرالى Nur.kz جازادى zamana.kz سايتىنا سىلتەمە جاساي وتىرىپ.

"مىنا ومىردە قايىرىمدى، قۇدايعا قاراعان ادامدار كوپ ەكەن. سىزدەردىڭ ارقالارىڭىزدا ومىرگە دەگەن قۇشتارلىعىم وياندى. جومارت جاندار سۋىق كۇندە جانىمدى جىلىتىپ، قولىنان كەلگەن كومەگىن ايانباي بەرىپ جاتىر"، - دەيدى جاناتكۇل.

جاناتكۇلدىڭ شىمكەنتتەگى كوپقاباتتى ۇيلەردىڭ ءبىرىنىڭ جەرتولەسىندە تۇراتىنى، ونىڭ بالا كۇننەن قيىندىقتان كوز اشپاي كەلە جاتقانى بۇعان دەيىن حابارلانعان بولاتىن. سول ساتتەن باستاپ وعان حابارلاسىپ، شاما-شارقىنشا كومەكتەسىپ جاتقان ادامدار وتە كوپ ەكەن.

كءۇنىنە شامامەن 50-60 ادام حابارلاسادى

"شىنىمدى ايتسام، مەنىڭ تاعدىرىم جۇرتتى وسىنشالىقتى قىزىقتىرادى دەپ ويلاماپپىن. ماقالا جاريالانعاننان بەرگى ءبىر اپتانىڭ ىشىندە تەلەفونعا تىنىم بولماي كەتتى. كۇنىنە شامامەن 50-60 ادام حابارلاسادى. كوبى جىلى سوزدەرىن ايتىپ، جۇباتىپ جاتىر. ەندى ءبىرى: "ۇيىمە كەلىپ تۇر. جايلى باسپانا، جىلى جاتىن ورىنمەن قامتاماسىز ەتە الامىن. تەك تىرلىگىمدى ىستەپ جۇرسەڭ بولدى"، – دەپ جاتىر. ال ەندى تاعى ءبىراز كىسىلەر اتاسىنا نەمەسە اعاسىنا تۇرمىسقا شىعۋىمدى وتىنۋدە"، - دەيدى ول.

ءتىپتى ءۇءيدى مەنىڭ اتىما اۋدارىپ بەرە سالاتىنىن ايتتى

"سولاردىڭ اراسىنان تالعات، نۇرجان ەسىمدى ازاماتتاردىڭ اتىن ەرەكشە اتاپ كورسەتكىم كەلەدى. الگى تالعات ەسىمدى كىسى وسى جاقىندا حابارلاسىپ، مەنىمەن جولىققىسى كەلەتىنىن ايتتى. كەزدەستىك. اپپاق دجيپ ءمىنىپ العان ەكەن، اۋقاتتى، مىقتى كاسىپكەر ەكەنى كورىنىپ تۇر. "قارىنداسىم، مويىما، جاسىما! بۇل قيىندىقتىڭ ءبارى ءالى-اق ارتتا قالادى"، – دەپ ماعان 50 مىڭ تەڭگە ۇسىندى. ازىق-تۇلىگى تاعى بار. وعان قوسا بالقاشتا التى بولمەلى ءۇيى بارىن، قالاسام، كوشىرىپ اكەتە الاتىنىن جەتكىزدى. ءتىپتى ءۇيدى مەنىڭ اتىما اۋدارىپ بەرە سالاتىنىن ايتتى. ءبىراق مەن ودان باس تارتتىم. ول جاقتا تۋىسىم دا جوق، ءوزىم بولسا ەكى كۇننىڭ بىرىندە اۋىرامىن. جاعدايىم قالاي بولادى دەپ ۋايىمدادىم"، - دەپ جالعاستىردى كەلىنشەك.

جاناتكۇلگە جاسالىپ جاتقان كومەك مۇنىمەن بىتپەپتى. اتى-جوندەرىن ايتپاعان تاعى بىر-ەكى ادام ىدىس-اياق، كورپە-توسەك، كىلەم اپارىپ بەرىپتى. ازىن-اۋلاق اقشالاي جاردەمدەرى تاعى بار.

قىسقاسى، نەبارى ءبىر اپتانىڭ ىشىندە 100 مىڭ تەڭگەگە جۋىق اقشالاي كومەك پەن ءبىراز ازىق-تۇلىككە يە بولعان جاناتكۇلدىڭ قۋانىشىندا شەك جوق.