قازاقستاننىڭ بۇرىنعى قارجى ءمينيسترى الەكساندر پاۆلوۆ "حابار"ارناسىنداعى ارنايى باعدارلامادا نازاربايەۆ وعان تۇنگى ءبىر جارىمدا حابارلاسىپ، 50 ملن دوللار سۇراعانىن ايتىپ بەردى دەپ حابارلايدى NUR.KZپورتالى.

"سەنىڭ جاقسى مينيستر بولعانىڭ ەسىمدە. بۇگىندە قارجى ءمينيسترىنىڭ عيماراتى دوللارعا ۇقسايدى... استانادا قۇرىلىس توقتاپ قالعان ساتتە، تۇنگى ءبىر جارىمدا مەن سەنى وياتىپ "ماعان 50 ملن دوللار تاۋىپ بەر، قۇرىلىسشىلارعا تولەۋىم كەرەك" دەگەن ەدىم"، - دەپ ەسىنە الدى نازاربايەۆ.

پاۆلوۆ پرەزيدەنتتىڭ ءسوزىن راستاپ، ءارى قاراي نە بولعانىن باياندادى.

"راسىمەن سولاي بولدى. ءسىز تۇنگى ءبىر جارىمدا حابارلاستىڭىز... جۇمىستا وتىرعان ەدىك، قوڭىراۋ كەلىپ ءتۇستى. "ءسىز پرەزيدەنتپەن سويلەسەتىن بولاسىز" دەگەندە قالجىڭ شىعار دەپ ويلادىم. ءساتسىز قالجىڭ بولار دەدىم. كەيىن نۇرسۇلتان ءابىش ۇلىنىڭ داۋىسىن ەستىدىم. "ۇيىقتاپ جاتىرسىڭ با" دەپ سۇرادى. "جوق، جۇمىستا وتىرمىن" دەدىم. "تاڭەرتەڭگە دەيىن 50 ملن دوللار تابۋ كەرەك" دەدى... تاپتىق، ەسەپ بەردىك. سول كەزدە پرەزيدەنتتىڭ ەشۋاقىتتا ۇيىقتامايتىنىن ۇقتىم. بۇل ماسەلەلەردى ۋاقىتىندا شەشىپ وتىرعان دۇرىس ەكەن"، - دەيدى پاۆلوۆ.