ق ر اقپارات جانە كوممۋنيكاسيا مينيسترلىگىنىڭ وكىلدەرى كەشە، 16 جەلتوقساندا الەۋمەتتىك جەلىلەردىڭ نەلىكتەن اشىلماي قالعانىن ايتتى، - دەپ حابارلايدى «قامشى» پورتالى.

ۆەدومستۆو وكىلدەرىنىڭ ايتۋىنشا، جەلىلەرگە كىرە الماۋدىڭ سەبەبى تەحنيكالىق اقاۋ بولعان. "كەشە بايلانىس وپەراتورلارىنىڭ تەلەكوممۋنيكاسيالىق جەلىلەرىندە اپات اقاۋى بولدى. تۇندە جۇمىس قايتا قالپىنا كەلتىرىلدى"، - دەپ حابارلادى رەسمي وكىل ارسەن بەكتاسوۆ.

ال تۇندە الەۋمەتتىك جەلىلەر ءىشىنارا اشىلا باستادى. قازاقستاندىقتار Instagram، Facebook جەلىلەرىنە كىرە الدى. الايدا تىكەلەي ينتەرنەت جەلىسى ارقىلى قوسىلۋدا كەدەرگىلەر بولدى. ۇيالى ينتەرنەتتەن اتالعان سايتتارعا كىرۋگە مۇمكىندىك بولدى. ايتا كەتەيىك، قازاستاندا Egov.kz ەلەكتروندى ۇكىمەت جانە "قازاقتەلەكوم" اق سايتتارىنا كىرۋ مۇمكىن بولماعان.
ايتا كەتەيىك، 16 جەلتوقساندا كەشكى ۋاقىتتان باستاپ قازاقستاندىقتار جەلىلەرگە قوسىلا المادى. كوپتەگەن قولدانۋشى الەۋمەتتىك جەلىرگە، ناقتىراق ايتساق، Facebook، Vk.com، Telegram، You Tube، Twitter، Instagram، Google جەلىلەرىنە كىرە الماي وتىرعانىن ايتىپ، شاعىمدانعان ەدى.

ينتەرنەتتىڭ اقساۋ سەبەبىن كەيبىرەۋلەر «باسە» پورتالىنا ءابىليازوۆتىڭ سۇحبات بەرۋىمەن دە بايلانىستىردى.