بۇگىن 17.12.2016ج. الماتى قالاسىنداعى رەسپۋبليكا الاڭىندا جەلتوقسان قۇرباندارىن ەسكە الۋ ءراسىمى بولدى. الاڭعا، جەلتوقسان مەن ساتبايەۆ كوشەلەرى قيلىسىندا  ورنالاسقان جەلتوقسان قۇرباندارىنا ارنالعان ەسكەرتكىش ماڭىنا بۇل جولى جينالىپ، تاعزىم ەتكەندەر سانى مول بولدى.

جەلتوقسان قاسىرەتىنە ارادا وتكەن 30 جىلدىڭ اسەرى بولدى ما، جوق، قازاقتىڭ ساناسى ويانا باستاعانى ما، الدە بۇرىن اشىق كورىنبەي كەلگەن جەلتوقساندا زارداپ شەككەندەردىڭ كوپتەپ كەلۋىنەن بە ەكەن، ايتەۋىر ادام كوپ بولدى.

وسىدان 30 جىل بۇرىنعىداي الماتى اسپانى تۇنەرىپ تۇردى. قار قىلاۋلاپ، ەتتەن، سۇيەكتەن وتەتىن ىزعار ەستى...

الماتى قالاسىنىڭ اكىمى باۋىرجان بايبەك، بەلگىلى قازاق اقىنى مۇحتار شاحانوۆ باستاعان اقساقالدار، جەلتوقسانشىلار، الاڭعا گۇ شوقتارىن قويىپ، ءبىر مينۋت ۇنسىزدىك جاريالاپ، قۇرباندارعا باعىشتاپ قۇران وقىلدى.

بۇدان كەيىن الماتى قالاسىنداعى «جۇلدىز» رەستورانىندا جەلتوقسان قۇرباندارىنا ارنالىپ، قۇران وقىلىپ، اس بەرىلدى. اتالم ىش استا العاشى بولىپ، ءسوز العاندار: مۇحتار شاحانوۆ، جۇماش كوكبورى، ابيۇربەك ءتىنالى جانە ت.ب. بەلگىلى ازاماتتار بولدى.

مىنە، وسىمەن وتىز جىل بويى قازاق جۇرەگىن سىزداتىپ كەلگەن جەلتوقسان جاراسى سول سىزداتقان كۇيى قالعانى جالعان ەمەس.  جەلتوقسان قاسىرەتى توڭىرەگىندە شەشىلمەگەن سۇراقتار مەن بايلاۋ ءتۇيىنى قيىن سۇراقتار كوپ. ال، جۇرەكتى سىزداتقان اۋىر جارانىڭ قاشان جازىلاتىنى ءالى بەلگىسىز. تازا اقيقاتقا قول جەتكىزۋ ءۇشىن ەندى قانشا جىلدىڭ كەرەك ەكەنى دە جۇمباق؟..

ءار جۇرەككە تۇسكەن جەلتوقسان جاراسى جۇرەكتەردى سول سىزداتقان كۇيى كەلە جاتىر.