«بەلارۋسيا اسكەرلەرىنىڭ جەرىنە باسا كوكتەپ كىرگەن كەز كەلگەن جاۋعا قارسى تۇرۋعا شاماسى جەتكىلىكتى جانە بۇل ەلگە كۇش كورسەتۋ ارقىلى مامىلەگە كەلۋ مۇمكىن ەمەس، ءتىپتى يادرولىق قارۋى بار كورشىلەس رەسەي مەملەكەتى دە مۇنداي ءادىستى قولدانا المايدى»، - دەپ حابارلادى بەلارۋسيا ەلىنىڭ پرەزيدەنتى الەكساندر لۋكاشەنكو. ول بۇل سوزدەرى بەلارۋسيا جەرىنە كوز تىگىپ جۇرگەن  پۋتينگە  وزىمەن جەكە سويلەسىپ ايتقىسى كەلەتىنىن دە قوسا كەتتى. بەلارۋسيا مەن رەسەي قارىم-قاتىناسى جايىندا joinfo.ua پورتالى حابارلايدى، ماقالانىڭ قازاقشا نۇسقاسىن قامشى پورتالى وقىرمان نازارىنا ۇسىنادى.

لۋكاشەنكو رەسەيدىڭ بەلارۋسيانى سوعىسپەن قورقىتىپ، نە قالايتىندارىنا باسا نازار اۋدارىپ وتىر. ەكى كورشىلەس مەملەكەت اراسىنداعى بايلانىستىڭ ۋشىعىپ، سوعىسقا جالعاسۋ ءقاۋىپى اراداعى قارىم-قاتىناستىڭ وزگەرۋىنە سەبەپ بولادى.

«بەلارۋسيانىڭ شىعىستاعى كورشىسى رەسەي ەلىنىڭ مۇنداي ىس-ارەكەتتەرىنەن قورعانعانىمىز دۇرىس. پۋتينمەن كەلىسسوزدەر جۇرگىزىپ، ونىڭ ناقتى كوزدەگەنى نە نارسە ەكەنىنە كوزىمىزدى جەتكىزبەيىنشە ساياساتتا قانداي بولسا، ەكونوميكادا سالاسىندا دا ءدال سونداي قارىم-قاتىناستا بولادى. سوندا دا مەن نە ءۇشىن پۋتين بەلارۋسيا ەلىنە مۇنداي ساياسات قولدانىپ وتىرعانىن انىقتاعىم كەلەدى»، - دەپ مالىمدەدى لۋكاشەنكو.

بەلارۋسيا پرەزيدەنتى جوعارىداعى سوزدەرىنىڭ تەك ءبىر سۇراقتىڭ انىق-قانىعىن ءبىلۋ ماقساتىندا ايتىلعان سوزدەر دەپ حابارلادى.

«مەن ەشبىر مەملەكەتكە بەلارۋسياعا قارسى كۇش قولدانۋلارىنا جول بەرمەيمىن. بەلارۋسيا سونشالىقتى ۇلكەن مەملەكەت ەمەس جانە بىزدە ەشقانداي دا يادرولىق قارۋلار جوق، الايدا، كەز كەلگەن جاۋعا قارسى سوققى بەرە الاتىنداي كۇشىمىز بار. ءبىز ءوز جەرىمىزدى، ەلىمىز بەن تاۋەلسىزدىگىمىزدى ساقتايمىز، ارينە، سوعىسقا ۇمتىلمايمىز، دەگەنمەن، ەلىمىزگە ءقاۋىپ تونگەن جاعدايدا، قولىمىزدان كەلگەننىڭ بارلىعىن دا جاسايمىز»، - دەپ ايتتى لۋكاشەنكو.

الايدا، ول بەلارۋسيا ادەيى سوعىس وتىن تۇتاندىرىپ، جاقىننان جاۋ ىزدەپ جاتىر دەپ ويلاماۋلارىن ايتىپ ەسكەرتتى.

بەلارۋسيا پرەزيدەنتى لۋكاشەنكو جاڭا نارىقتىق ءوندىرىستى ەندى رەسەيدەن ەمەس، باتىستان ىزدەيتىندىگىن الدىندا بولعان كەزەكتى جينالىستارىنىڭ بىرىندە ايتىپ وتكەن بولاتىن.

اۋدارعان: نازەركە لابيحان