كايسەري قالاسىنىڭ ورتالىعىندا ورنالاسقان ۋنيۆەرسيتەتتىڭ ماڭىندا بولعان جارىلىسقا قاتىستى قامشى پورتالى جاريالاعان بولاتىنبىز.

تۇركيا ەلىنىڭ ىشكى ىستەر ءمينيسترى سۇلەيمان سويلۋ كايسەري قالاسىنىڭ ورتالىق ماڭىندا بولعان جارىلىسقا قاتىستى جەتى ادام تۇتقىندالعاندىعىن مالىمدەدى. بۇل جايىندا ria.ru پورتالى حابارلايدى، مالىمەتتىڭ قازاقشا نۇسقاسىن قامشى پورتالى وقىرمان نازارىنا ۇسىنادى.

بىرنەشە كۇن بۇرىن تۋركيا ەلىنىڭ اسكەري كۇشىنە قارسى باعىتتالعان جارىلىس ۇيىمداستىرىلعان بولاتىن. جارىلعىش قۇرال ورناتىلعان كولىك دەمالىسقا شىققان سولداتتار مەن ەفرەيتورلار مىنگەن اۆتوبۋستىڭ جانىنا كەلىپ جارىلعان. ناتيجەسىندە 13 سولدات قازا تاۋىپ،  55ء-ى اۋىر جاراقات العان.

تۇركيانىڭ پرەمەر-مينيسترى بينالي يىلدىرىمنىڭ ايتۋىنشا، تەرروريست ءوزىن-وزى جارىپ جىبەرگەن. ۆيسە-پرەمەر مينيستر ۆەيسەل كايناك بۇل اپات ءبىر اپتا بۇرىن ىستامبۇلدا بولعان جارىلىستىڭ جالعاسى دەپ تاپتى.

ەستەرىڭىزگە سالا كەتسەك، 10 جەلتوقسان كۇنى ىستامبۇلدىڭ قالاسىنىڭ ورتالىعىندا ورنالاسقان فۋتبول الاڭىندا ەكى جويقىن جارىلىس ورىن الىپ، سالدارىنان 44 ادام، ونىڭ ىشىندە 37 پوليسيا قىزمەتكەرى مەرت بولدى. بيلىكتەگىلەر بۇل جارىلىستى ۇيىمداستىردى دەپ ەلدە جۇمىس جاساۋعا تىيىم سالىنعان پارتيالىق ۇيىم كۇردىستاندى كىنالاعان بولاتىن. كەيىننەن اپاتقا قاتىستى بار جاۋاپكەرشىلىكتى «كۇردىستان قىراندارىنا» قارسى جاساقتالعان ارنايى توپ ءوز مويىندارىنا الدى.

اۋدارعان: نازەركە لابيحان